തിരുവല്ല : കാവുംഭാഗം ആനന്ദേശ്വരം ശിവക്ഷേത്ര പുനരുദ്ധാരണത്തിന്റെ ഭാഗമായി കൃഷ്ണശിലയിൽ പൂർത്തീകരിക്കുന്ന നാലമ്പലത്തിന്റെ പാദുകം വയ്പ് 3ന് രാവിലെ 9.30ന് ഗുരുവായൂർ സത്രസമിതി വൈസ് പ്രസിഡന്റ് എസ്.നാരായണസ്വാമിയും കെ.പി വിജയൻ ചാരിറ്റബിൾ ട്രസ്റ്റ് ചെയർമാൻ കെ.പി വിജയനും ചേർന്ന് നിർവഹിക്കും വിശേഷാൽ ഗണപതിഹോമം,ശ്രിരുദ്രജപം ശിലാപൂജ എന്നിവ നടക്കും. ദേവസ്വം പ്രസിഡന്റ് അഡ്വ.റ്റി.കെ ശ്രീധരൻ നമ്പൂതിരി,സെക്രട്ടറി പ്രമോദ് സി.ജെ ചേപ്പിലയിൽ, ട്രഷറർ എസ്.സുരേഷ് കുമാർ, ചെയർമാൻ ഡോ.കെ.രാധാകൃഷ്ണൻ, ജനറൽ കൺവീനർ ശ്രീനിവാസ് പുറയാറ്റ്, മാതൃസമിതി കൺവീനർ പ്രീതി ആർ.നായർ എന്നിവരുടെ നേതൃത്വത്തിൽ 40-ാമത് ഭാഗവത സത്രസമിതി അംഗങ്ങളും ഭക്തജനങ്ങളും ദേവസ്വം ഭരണസമിതിയും അടങ്ങുന്ന 101അംഗ സമിതിയാണ് രൂപീകരിച്ചിരിക്കുന്നത്. ഗണപതി. ശാസ്താവ്. ദേവി എന്നീ ഉപദേവതകൾക്ക് കൃഷ്ണശിലയിൽ ശ്രീകോവിൽ, നാലമ്പലം ,അലങ്കാര ഗോപുരം എന്നീ നിർമ്മാണ പ്രവർത്തനങ്ങളാണ് നടന്നു വരുന്നത്.