പത്തനംതിട്ട : മാലിന്യമുക്തം നവകേരളം ജനകീയ ക്യാമ്പയിനിലൂടെ ജില്ലയിലെ 20 ഗ്രാമപഞ്ചായത്തുകളിലെ എല്ലാ വിദ്യാലയങ്ങളും ഹരിത വിദ്യാലയങ്ങളായി മാറുന്നു. മറ്റ് തദ്ദേശസ്ഥാപനങ്ങളിലെതുൾപ്പെടെ 424 സ്‌കൂളുകളാണ് ജില്ലയിൽ ഹരിത വിദ്യാലയങ്ങളാകുന്നത്. മല്ലപ്പള്ളി ബ്ലോക്ക് പഞ്ചായത്ത് പരിധിയിലുള്ള എല്ലാ വിദ്യാലയങ്ങളും ഹരിത വിദ്യാലയങ്ങളായി മാറിയിട്ടുണ്ട്. ജി​ല്ലയി​ൽ കുറ്റൂർ, എഴുമറ്റൂർ, വെച്ചൂച്ചിറ മല്ലപ്പുഴശ്ശേരി, പുറമറ്റം, ചെറുകോൽ, കോഴഞ്ചേരി, റാന്നി, റാന്നിഅങ്ങാടി, വടശ്ശേരിക്കര, നാറാണംമൂഴി, തുമ്പമൺ, പള്ളിക്കൽ, മല്ലപ്പള്ളി, കല്ലുപ്പാറ, കോട്ടങ്ങൽ, കൊറ്റനാട്, ആനിക്കാട്, കവിയൂർ, കുന്നന്താനം എന്നീ ഗ്രാമപഞ്ചായത്തുകളിലെ എല്ലാ സ്‌കൂളുകളും ഹരിത വിദ്യാലയ പദവി നേടിയിട്ടുണ്ട്.