കരുനാഗപ്പള്ളി: ശങ്കരമംഗലം ഗവ. ഹൈസ്​കൂളിൽ ചവറ കെ.എം.എം.എൽ കമ്പനി 10.15 ലക്ഷം രൂപ ചെലവഴിച്ച് നവീകരിച്ച ഓഡിറ്റോറിയം ഡോ. സുജിത്ത് വിജയൻ പിള്ള എം.എൽ.എ ഉദ്ഘാടനം ചെയ്തു. സെന്റ് ലിഗോറിയസ് സ്​കൂൾ സർക്കാർ നിർദേശപ്രകാരം ഗേൾസ് സ്കൂളിലേക്ക് മാറ്റുന്നതുമായി ബന്ധപ്പെട്ട് 25 ലക്ഷത്തോളം രൂപയുടെ അടിസ്ഥാന സൗകര്യവികസന പ്രവർത്തനങ്ങൾ സ്​കൂളിൽ കെ.എം.എം.എൽ നടത്തിയിരുന്നു. അതിന് പുറമെയാണ് ഓഡിറ്റോറിയം നവീകരിച്ചത്. ചവറ ബ്ലോക്ക് പഞ്ചായത്ത് പ്രസിഡണ്ട് സന്തോഷ് തുപ്പാശ്ശേരി അദ്ധ്യക്ഷത വഹിച്ചു. സ്​കൂളിലെ കുട്ടികൾ തന്നെ അവതാരകരായി മാറുന്ന എന്റെ റേഡിയോ പദ്ധതിയുടെ ഉദ്ഘാടനം മത്സ്യഫെഡ് ചെയർമാൻ ടി. മനോഹരൻ നിർവഹിച്ചു. ചവറയുടെ സാംസ്​കാരിക ഉന്നമനം എന്ന വിഷയത്തിൽ ഡോക്ടറേറ്റ് ലഭിച്ച ഡോ. മോഹനൻ പുന്തലയെ ചടങ്ങിൽ ആദരിച്ചു. ജില്ലാ പഞ്ചായത്ത് മെമ്പർ അഡ്വ. സി.പി. സുധീഷ് കുമാർ മുഖ്യപ്രഭാഷണം നടത്തി. കെ.എം.എം.എൽ മാനേജിംഗ് ഡയറക്ടർ പി. പ്രദീപ്കുമാർ മുഖ്യാതിഥിയായി. കോവിൽത്തോട്ടം ഇടവക വികാരി ഫാ: മിൽട്ടൺ ജോർജ്ജ്, കെ.എം.എം.എൽ പബ്ലിക് റിലേഷൻസ് ഓഫീസർ പി.കെ. ഷബീർ, മദർ പി.ടി.എ പ്രസിഡന്റ് ഷെമ്മി തടത്തിൽ, പി.ടി.എ പ്രസിഡന്റ് രാജി സജിത്ത്, പി.ടി.എ വൈസ് പ്രസിഡന്റ് എ അനിൽകുമാർ എന്നിവർ സംസാരി​ച്ചു. പ്രഥമാദ്ധ്യാപിക ടി.ഡി. ശോഭ സ്വാഗതവും സ്റ്റാഫ് സെക്രട്ടറി എസ്. രാജേന്ദ്രൻ നന്ദിയും പറഞ്ഞു