കൊല്ലം: കേരളത്തിലെ 25 ലക്ഷത്തിലധികം വരുന്ന തെരുവ് കച്ചവടക്കാർക്ക് ക്ഷേമനിധി ഏർപ്പെടുത്തണമെന്ന് സ്ട്രീറ്റ് വെണ്ടേഴ്‌സ് ആൻഡ് ലോട്ടറി ഏജന്റ്സ്, സെല്ലേഴ്‌സ് ഫോറം ജില്ലാ പ്രവർത്തകസമ്മേളനം ആവശ്യപ്പെട്ടു. ചെറുകിട ലോട്ടറി ഏജന്റുമാർക്ക് ലോട്ടറി ഓഫീസുകളിൽ നിന്നു ലോട്ടറി നിഷേധിക്കുന്നത് അവസാനിപ്പിക്കണമെന്നും സമ്മേളനം ആവശ്യപ്പെട്ടു. ജി​ല്ലാ ഭാരവാഹി​കളായി​ അഡ്വ. കെ.ആർ.ബിജു ചാത്തന്നൂർ (പ്രസി​ഡന്റ്), അജീർ ചിന്നക്കട (വർക്കിംഗ് പ്രസിഡന്റ്), അബ്‌ദുൽ ലത്തീഫ്, മുരുകൻ, ഫെസൽ പള്ളിമുക്ക് (വൈസ് പ്രസി ഡന്റുമാർ), പേരൂർ ശശിധരൻ (ജനറൽ സെക്രട്ടറി), ലിയോണി തേവള്ളി (ഓർഗനൈസിംഗ് സെക്രട്ടറി), ഷീനാചന്ദ്രൻ ശക്തികുളങ്ങര, രാംപ്രസാദ്, മോഹൻലാൽ (സെക്രട്ടറിമാർ), സുരേഷ് കുമാർ (ട്രഷറർ) എന്നിവരെ തി​രഞ്ഞെടുത്തു.