കൊല്ലം: കൊല്ലത്ത് നിന്ന് എറണാകുളത്തേക്ക് പുതുതായി ആരംഭിച്ച മെമു സർവീസിന് കൊല്ലം, പെരിനാട് റെയിൽവേ സ്റ്റേഷനുകളിൽ വരവേൽപ്പ് നൽകി. യാത്ര ആരംഭിച്ച കൊല്ലം സ്റ്റേഷനിൽ എം.പിമാരായ എൻ.കെ.പ്രേമചന്ദ്രൻ, കൊടിക്കുന്നിൽ സുരേഷ് എന്നിവർ ലോക്കോപൈലറ്റിനെയും അസിസ്റ്റന്റ് ലോക്കോ പൈലറ്റിനെയും സ്വീകരിച്ചു. സ്റ്റേഷനിലെത്തിയ എം.പിമാർക്ക് പാസഞ്ചേഴ്സ് അസോസിയേഷന്റെ നേതൃത്വത്തില്‍ സ്വീകരണവും നൽകി.

ദി​വ​സേ​ന രാ​വി​ലെ ജോ​ലിക്ക് പോ​കു​ന്ന​വർ​ക്ക് പു​തി​യ സർവീ​സ് ആ​ശ്വ​സ​മാ​ണെ​ന്ന് എൻ.കെ.പ്രേ​മ​ച​ന്ദ്രൻ എം.പി പ​റ​ഞ്ഞു. എ​ന്നാൽ ട്രെയിനിന്റെ മ​ട​ക്ക​യാ​ത്ര​യു​ടെ സ​മ​യ​ക്ര​മം സ്ഥി​രം യാ​ത്ര​ക്കാർ​ക്ക് അ​നു​യോ​ജ്യ​മ​ല്ല. രാ​വി​ലെ 9.50 നാ​ണ് നി​ല​വി​ലെ സ​മ​യ​ക്ര​മം. ഇ​ത​നു​സ​രി​ച്ച് ട്രെയിൻ ഉ​ച്ച​യ്​ക്ക് 12.50ന് കൊ​ല്ല​ത്ത് മ​ട​ങ്ങി​യെ​ത്തും. 1.35ന് പ​ര​ശു​റാം ക​ഴി​ഞ്ഞാൽ എ​റ​ണാ​കു​ള​ത്ത് നി​ന്ന് കോ​ട്ട​യം വ​ഴി കൊ​ല്ല​ത്തേ​ക്കു​ള്ള അ​ടു​ത്ത ട്രെയിൻ 5നുള്ള കേ​ര​ള എ​ക്‌​സ്​പ്ര​സാ​ണ്. യാ​ത്ര​ക്കാ​രു​ടെ ബു​ദ്ധി​മു​ട്ട് ക​ണ​ക്കി​ലെ​ടു​ത്ത് ഉ​ച്ച​യ്​ക്ക് 2 ന് ശേ​ഷം എ​റ​ണാ​കു​ള​ത്ത് നി​ന്ന് കൊ​ല്ല​ത്തേ​ക്ക് പു​തി​യ സർ​വീ​സ് ആ​രം​ഭി​ക്കു​ക​യോ നി​ല​വി​ലെ മെ​മു സർ​വീ​സി​ന് പ്രാ​യോ​ഗി​ക സ​മ​യ​ക്ര​മം നൽകി ഉ​ച്ച​യ്​ക്ക് 2ന് ശേ​ഷം എ​റ​ണാ​കു​ള​ത്ത് നി​ന്ന് മ​ട​ക്ക​യാ​ത്ര സാ​ദ്ധ്യ​മാ​ക്കു​ക​യോ വേണമെ​ന്ന് റെ​യിൽ​വേ മ​ന്ത്രി​യോ​ടും അ​ധി​കൃ​ത​രോ​ടും ആ​വ​ശ്യ​പ്പെ​ട്ടതായി എൻ.കെ. പ്രേ​മ​ച​ന്ദ്രൻ എം.പി പ​റ​ഞ്ഞു.

കൊ​ല്ല​ത്ത് ന​ട​ന്ന സ്വീ​ക​ര​ത്തിൽ എം.പി​മാർ​ക്കൊ​പ്പം ബി​ന്ദു​കൃ​ഷ്​ണ, സൂ​ര​ജ് ര​വി, സു​നിൽ തേ​വ​ള്ളി, ടി.കെ. സുൽ​ഫി, ഗീ​താ​കൃ​ഷ്​ണൻ, പാ​ല​ത്ത​റ രാ​ജീ​വ്, ക​ണ്ണ​ന​ല്ലൂർ നി​സാം, പ​ര​വൂർ സ​ജീ​വ്, ഗി​രീ​ഷ്, സ​ദു പ​ള്ളി​ത്തോ​ട്ടം, ബാ​ബു​ക്കു​ട്ടൻ, പ്ര​ദീ​പ് കു​മാർ, ബി​നു എ​ന്നി​വർ പ​ങ്കെ​ടു​ത്തു. പെ​രി​നാ​ട് ന​ട​ന്ന സ്വീ​ക​ര​ണ​ത്തിൽ വി.പി.വി​ധു, ഓ​മ​ന​ക്കു​ട്ടൻ, പ​ന​യം സ​ജീ​വ്, അ​ഡ്വ. ബൈ​ജു, കെ.വി​ജ​യൻ, പെ​രു​മൺ ജ​യ​പ്ര​കാ​ശ്, പ​ന​യം സ​ന്തോ​ഷ്, പ​ന​യം ശ്രീ​കു​മാർ, രാം​കു​മാർ, പെ​രി​നാ​ട് മു​ര​ളി എ​ന്നി​വർ പ​ങ്കെ​ടു​ത്തു.