പുനലൂർ : 17​കാരിയെ പീഡിപ്പിച്ച കേസിൽ യുവാവ് അറസ്റ്റിൽ. കൊട്ടാരക്കര പുലമൺ സ്വദേശി രാഹുൽ (25) ആണ് അറസ്റ്റിലായത്. പെൺകുട്ടിയെ കാര്യറ സർക്കാർ മുക്കിൽ നിന്ന് കടത്തിക്കൊണ്ടു പോയി കൊട്ടാരക്കരയിലെ സ്വകാര്യ സ്​കൂളിന്റെ വരാന്തയിൽ വെച്ച് പീഡിപ്പിച്ചെന്നാണ് കേസ്. അടുത്തിടെ മറ്റൊരു കേസുമായി ബന്ധപ്പെട്ട് മൊഴിയെടുക്കുമ്പോഴാണ് പെൺകുട്ടി പീഡനവിവരം പൊലീസിനോട് പറഞ്ഞത്. തുടർന്ന് പോക്‌​സോ ഉൾപ്പടെയുള്ള വകുപ്പുകൾ ചുമത്തി പുനലൂർ പൊലീസ് കേസെടുത്തു. ഇൻസ്‌​പെക്ടർ ടി.രാജേഷ്​കുമാറിന്റെ നേതൃത്വത്തിൽ നടന്ന തെരച്ചിലിൽ കൊച്ചി നെടുമ്പാശേരി വിമാനത്താവളത്തിന് സമീപത്തുനിന്നും കഴിഞ്ഞദിവസമാണ് ഇയാളെ അറസ്റ്റുചെയ്തത്.