കൊ​ല്ലം: അ​ന്യ​സം​സ്ഥാ​ന കോ​ളേ​ജു​ക​ളിൽ അ​ഡ്​മി​ഷൻ വാ​ങ്ങി നൽ​കാ​മെ​ന്ന് വാ​ഗ്​ദാ​നം നൽ​കി നി​ര​വ​ധി വി​ദ്യാർ​ത്ഥി​ക​ളിൽ നി​ന്നും പ​ണം ത​ട്ടി​യ​യാൾ പൊ​ലീ​സ് പി​ടി​യി​ലാ​യി. കു​ന്നി​ക്കോ​ട് മേ​ലി​ല ശ്യാം​നി​വാ​സിൽ ശ്യാം​കു​മാറാണ് (34) ചാ​ത്ത​ന്നൂർ പൊ​ലീ​സിന്റെ പി​ടി​യി​ലാ​യ​ത്.
ക​ഴി​ഞ്ഞ വർ​ഷം കർ​ണാ​ട​ക​യി​ലു​ള്ള കോ​ളേ​ജു​ക​ളിൽ പ്രൊ​ഫ​ഷ​ണൽ കോ​ഴ്‌​സു​ക​ളി​ലേ​ക്ക് സ്‌​കോ​ളർ​ഷി​പ്പോ​ടെ അ​ഡ്​മി​ഷൻ വാ​ങ്ങി നൽ​കാ​മെ​ന്ന് വാ​ഗ്​ദാ​നം ചെ​യ്ത് നി​ര​വ​ധി വി​ദ്യാർ​ത്ഥി​ക​ളിൽ നി​ന്ന് ല​ക്ഷ​ക്ക​ണ​ക്കി​ന് രൂ​പ ത​ട്ടി​യെ​ടു​ത്ത കേ​സി​ലാ​ണ് അ​റ​സ്റ്റ്. ത​ട്ടി​പ്പി​ന് ഇ​ര​യാ​യ വി​ദ്യാർ​ത്ഥി​കൾ ചാ​ത്ത​ന്നൂർ, കൊ​ട്ടി​യം, പ​ര​വൂർ പൊ​ലീ​സ് സ്റ്റേ​ഷ​നു​ക​ളിൽ നൽ​കി​യ പ​രാ​തി​യു​ടെ അ​ടി​സ്ഥാ​ന​ത്തിൽ ചാ​ത്ത​ന്നൂർ എ.സി.പി ഗോ​പ​കു​മാ​റിന്റെ നേ​തൃ​ത്വ​ത്തിൽ പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​യ​ത്.
ഒ​ളി​വിൽ ക​ഴി​ഞ്ഞുവ​ന്ന പ്ര​തി​ക്കാ​യി നി​ര​വ​ധി ത​വ​ണ കർ​ണാ​ട​ക​യി​ലെ വി​വി​ധ സ്ഥ​ല​ങ്ങൾ കേ​ന്ദ്രീ​ക​രി​ച്ച് തെര​ച്ചിൽ ന​ട​ത്തി​യെ​ങ്കി​ലും പി​ടി​കൂ​ടാനായില്ല. എ​ന്നാൽ ക​ഴി​ഞ്ഞ ദി​വ​സം ഇ​യാൾ തി​രു​വ​ന​ന്ത​പു​രം മാ​റ​ന​ല്ലൂ​രിൽ നി​ന്ന് പൊ​ലീ​സ് സം​ഘ​ത്തിന്റെ വ​ല​യിൽ അ​ക​പ്പെ​ടു​ക​യാ​യി​രു​ന്നു. ചാ​ത്ത​ന്നൂർ എ.സി.പി ഗോ​പ​കു​മാ​റിന്റെ നേ​തൃ​ത്വ​ത്തിൽ എ​സ്.ഐ സു​നിൽ​കു​മാർ, എ.എ​സ്.ഐ ബി​ന്ദു​കു​മാ​രി, സി.പി.ഒമാ​രാ​യ രാ​ജീ​വ്, ന​വാ​സ്, സു​ധി, ര​ഞ്​ജി​ത്ത് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.