രണ്ടാഴ്ചയ്ക്കി​ടെ

കൂടി​യത്

90 രൂപ

കൊല്ലം: തക്കാളി വിലയിൽ നേരിയ ആശ്വാസം ഉണ്ടായപ്പോൾ ജി​ല്ലയി​ൽ ബീൻസ് വില കുതി​ക്കുന്നു. രണ്ടാഴ്ച മുമ്പ് കിലോയ്ക്ക് 70 ആയിരുന്ന ബീൻസിന് ഇപ്പോൾ കൊല്ലത്തെ ഹോൾസെയിൽ വില 160 ആണ്. കഴിഞ്ഞദിവസങ്ങളിൽ കിലോയ്ക്ക് 80 രൂപ വരെ എത്തിയ തക്കാളിയുടെ ഹോൾസെയിൽ വില ഇന്നലെ 50ലേക്ക് താഴ്ന്നു.

വെളുത്തുള്ളി വില ഇപ്പോഴും മുകളി​ൽ തന്നെയാണ്. കി​ലോയ്​ക്ക്​ 130 രൂ​പയി​ൽ നി​ന്ന് കുതി​പ്പ് തുടങ്ങി​യ വെളുത്തുള്ളി​ക്ക് ഇപ്പോൾ 330 രൂ​പ​യാണ്. ഇതോടെ വെ​ളു​ത്തു​ള്ളി വാ​ങ്ങാ​നും വാ​ങ്ങാ​തി​രി​ക്കാ​നും പ​റ്റാ​ത്ത അ​വ​സ്ഥ​യിലായി​​ സാ​ധാ​ര​ണ​ക്കാ​ർ. എ​ട്ട്​ മാ​സം​ മു​മ്പ്​ വെ​ളു​ത്തു​ള്ളി വി​ല​ കി​ലോ​യ്ക്ക്​ 400 ക​ട​ന്നി​രു​ന്നു. ഇതോടെ മറ്റു സംസ്ഥാനങ്ങളിൽ നിന്ന് സ്റ്റോക്കെ​ടു​ക്കാ​ൻ വ്യാ​പാ​രി​ക​ൾ തയ്യാറായി​ല്ല. മാ​സ​ങ്ങ​ൾ പി​ന്നി​ട്ടി​ട്ടും വെ​ളു​ത്തു​ള്ളി​ സാധാരണക്കാർക്ക് പി​ടി​കൊടുക്കാതെ നി​ൽക്കുകയാണ്. കാ​ലാ​വ​സ്ഥ വ്യ​തി​യാ​ന​വും ഉത്പാദനം കു​റ​ഞ്ഞ​തു​മാ​ണ് വി​ല കൂ​ടാ​ൻ കാ​ര​ണ​മെ​ന്ന്​ വ്യാ​പാ​രി​ക​ൾ പ​റ​യു​ന്നു.

കോയമ്പത്തൂർ, പാവൂർ സത്രം, തിരുനെൽവേലി, മൈസുരു, മേട്ടുപ്പാളയം, അലൻകുളം, കമ്പം, തേനി എന്നിവിടങ്ങളിൽ നിന്നാണ് പ്രധാനമായും കേരളത്തിലേക്ക് പച്ചക്കറി എത്തുന്നത്.

സവാളയും പി​ന്നി​ലല്ല

സവാള വിലയിലും നേരിയ വർദ്ധനവുണ്ട്. ഓണത്തോടനുബന്ധിച്ച് കിലോയ്ക്ക് മൊത്തവില 49 ആയി​രുന്നു. ഇപ്പോൾ 60 ആണ്. വെണ്ട, മുളക്, പടവലം, ബീറ്റ്റൂട്ട്, ക്യാരറ്റ്, ഉരുളക്കിഴങ്ങ്, കാബേജ്, മുരിങ്ങ വി​ലയി​ൽ മാറ്റം വന്നിട്ടില്ല.

വില (ഹോൾസെയിൽ, റീട്ടെയിൽ )

ബീൻസ്: 160,180

സവാള: 60, 70

തക്കാളി: 50, 65

വെണ്ടയ്ക്ക: 40, 60

മുളക്: 35, 50

പടവലം: 25, 35

കാബേജ്: 35, 40

ബീറ്റ്‌റൂട്ട്: 30, 45

ചേന: 65, 80

ചെറിയ ഉള്ളി: 55, 65

ക്യാരറ്റ്: 60,80

ഉരുളക്കിഴങ്ങ്: 42, 50

വെളുത്തുള്ളി: 330, 360

വഴുതന: 55, 65