കൊ​ല്ലം: പൂട്ടിക്കിടക്കുന്ന കശുഅണ്ടി ഫാക്ടറികൾ തുറന്ന് പ്രവത്തിപ്പിക്കാൻ പു​ന​രു​ദ്ധാ​ര​ണ പാ​ക്കേ​ജിൽ പ​ദ്ധ​തി​യു​ണ്ടോയെന്ന് ധനമന്ത്രി വ്യക്തമാക്കണമെന്ന് ഓൾ കേ​ര​ള കാ​ഷ്യു​ന​ട്ട് ഫാ​ക്ട​റി വർ​ക്കേ​ഴ്‌​സ് ഫെ​ഡ​റേ​ഷൻ വർ​ക്കിം​ഗ് പ്ര​സി​ഡന്റും യു.ടി.യു.സി ദേ​ശീ​യ പ്ര​സി​ഡന്റു​മാ​യ എ.എ.അ​സീ​സ് ആവശ്യപ്പെട്ടു.

എ​ട്ടു​വർ​ഷ​മാ​യി 700 ഓളം സ്വ​കാ​ര്യ ഫാ​ക്ട​റി​കളാണ് പൂ​ട്ടി​ക്കി​ട​ക്കു​ന്നത്. പ​ത്തിൽ​പ​രം ഫാ​ക്ട​റി​കൾ പൊ​ളി​ച്ച് ഭൂ​മി വി​റ്റു. നി​ര​വ​ധി വ്യ​വ​സാ​യി​കൾ ലൈ​സൻ​സ് ക്യാൻ​സൽ ചെ​യ്​ത് കി​ട്ടാൻ ഡ​യ​റ​ക്ട​റേ​റ്റിൽ അ​പേ​ക്ഷ സ​മർ​പ്പിച്ചു. മുൻ സക്കാരിന്റെ കാ​ല​ത്ത് തൊ​ഴിൽ ന​ഷ്ട​പ്പെ​ട്ടവർക്ക് 2000 രൂ​പ ആ​ശ്വാ​സ ധ​നം നൽ​കി​യി​രു​ന്നു. പി​ണ​റാ​യി സർക്കാർ ഫാ​ക്ട​റി​കൾ തു​റ​ക്കാൻ ന​ട​പ​ടി​ സ്വീ​ക​രി​ക്കാ​തെ വ്യ​വ​സാ​യി​ക​ളെ സ​ഹാ​യി​ക്കാനുള്ള പാ​ക്കേ​ജാ​ണ് പ്ര​ഖ്യാ​പി​ക്കുന്ന​ത്. ഉ​ട​മ​കളാകട്ടെ സർ​ക്കാർ സ​ഹാ​യം വാ​ങ്ങി​ ഫാ​ക്ട​റി​കൾ തു​റ​ക്കു​ന്നില്ല. ഇ​ക്കാ​ര്യ​ത്തിൽ തൊ​ഴി​ലാ​ളി സം​ഘ​ട​ന​ക​ളു​ടെ അ​ഭി​പ്രാ​യം കൂ​ടി അ​റി​യാൻ മ​ന്ത്രി​മാർ ത​യ്യാ​റാ​ക​ണ​മെ​ന്ന് എ.എ.അ​സീ​സ് ആ​വ​ശ്യ​പ്പെ​ട്ടു.