തൊ​ടി​യൂർ: സ്വ​പ്‌​ന​ങ്ങൾ ബാ​ക്കി​യാ​ക്കി യാ​ത്ര അ​വ​സാ​നി​പ്പി​ച്ച യു​വ സം​രം​ഭ​ക ര​ശ്​മി പ്ര​മോ​ദ് അ​ന്ത്യ​നി​ദ്ര​യ്​ക്കാ​യ് തി​ങ്ക​ളാ​ഴ്​ച രാ​വി​ലെ ജ​ന്മ​നാ​ടാ​യ ക​രു​നാ​ഗ​പ്പ​ള്ളി​യിൽ നി​ന്ന് ഭർ​ത്തൃ ദേ​ശ​മാ​യ മ​ല്ല​പ്പ​ള്ളി​യി​ലേ​ക്ക് മ​ട​ങ്ങു​ന്നു. ക​രു​നാ​ഗ​പ്പ​ള്ളി ക​ല്ലേ​ലി​ഭാ​ഗം ക​ണ്ണാ​ടി​യിൽ ഉ​മ്മൻ തോ​മ​സി​ന്റെ​യും ലി​സി​യു​ടെ​യും മ​കൾ ര​ശ്​മി (39) ത​ന്റെ എൽ.എൽ.ബി.സർ​ട്ടി​ഫി​ക്ക​റ്റ് വാ​ങ്ങുാ ഭർ​ത്താ​വ് പ്ര​മോ​ദ് (41), മ​കൻ ആ​രോൺ (14) എ​ന്നി​വർ​ക്കൊ​പ്പം കാ​റിൽ ബംഗളൂ​രു​വി​ലേ​ക്ക് പോ​കു​മ്പോൾ എ​റ​ണാ​കു​ളം കു​മ്പ​ളം ടോൾ പ്ലാ​സ​യ്​ക്ക് സ​മീ​പം നിറു​ത്തി​യി​ട്ടി​രു​ന്ന ലോ​റി​യു​ടെ പി​ന്നിൽ ഇടിച്ചു​ണ്ടാ​യ അ​പ​ക​ട​ത്തി​ലാ​ണ് മ​രി​ച്ച​ത്.

ഭർ​ത്താ​വി​നും മ​ക​നും ഗു​രു​ത​ര​മാ​യി പ​രി​ക്കേ​റ്റു. മ​ല്ല​പ്പ​ള്ളി തെ​ക്കേ​മു​റി​യിൽ പ്ര​മോ​ദ് ഭ​വ​നിൽ എം.വി.വർ​ഗീ​സി​ന്റെ​യും മേ​രി​ക്കു​ട്ടി​യു​ടെ​യും മ​ക​നാ​ണ് പ്ര​മോ​ദ്. കാർ ഓ​ടി​ച്ചി​രു​ന്ന പ്ര​മോ​ദ് ഉ​റ​ങ്ങി​പ്പോ​യ​താ​വാം അ​പ​ക​ട​കാ​ര​ണ​മെ​ന്നാ​ണ് നി​ഗ​മ​നം. ക​ഴി​ഞ്ഞ 8 ന് പു​ലർ​ച്ചെ 3ന് ര​ശ്​മി ഇ​പ്പോൾ താ​മ​സി​ച്ചുവ​രു​ന്ന ക​ല്ലേ​ലി​ഭാ​ഗം ഗാ​ന്ധി മു​ക്കി​ന് സ​മീ​പ​ത്തെ തെ​ക്കേ​വി​ള​യിൽ ആ​രോൺ കോ​ട്ടേ​ജിൽ നി​ന്നാ​ണ്​ മൂ​ന്നം​ഗ കു​ടും​ബം ബംഗളൂ​രു​വി​ലേ​ക്ക് യാ​ത്ര പു​റ​പ്പെ​ട്ട​ത്. രാ​വി​ലെ 6.30 നാ​യി​രു​ന്നു അ​പ​ക​ടം. ക​രു​നാ​ഗ​പ്പ​ള്ളി​യിൽ ഫി​ഡ​സ് അ​ക്കാഡ​മി എ​ന്ന സ്ഥാ​പ​നം ന​ട​ത്തി വ​രി​ക​യാ​യി​രു​ന്നു ര​ശ്​മി. തൊ​ഴിൽ തേ​ടി വി​ദേ​ശ രാ​ജ്യ​ങ്ങ​ളിൽ പോ​കു​ന്ന​വർ​ക്ക് സ്‌​പോ​ക്കൺ ഇം​ഗ്ലീ​ഷി​ലും മ​റ്റ് നി​ര​വ​ധി വി​ദേ​ശ​ഭാ​ഷ​ക​ളി​ലും ഇ​വി​ടെ പ​രി​ശീ​ല​നം നൽ​കിവ​രു​ന്നു. പു​റ​മേ, സി.ഇ.ടി ട്രെ​യി​നിം​ഗ്, ഐ.ഇ.എൽ.ടി.എ​സ് പ​രി​ശീ​ല​വും നൽ​കി​യി​രു​ന്നു. ഭർ​ത്താ​വ് പ്ര​മോ​ദും ര​ശ്​മി​യും ചേർ​ന്ന് കെ​ട്ടി​പ്പ​ടു​ത്ത ഫി​ഡ​സ് അ​ക്കാഡ​മി​യു​ടെ എം.ഡി​യാ​യി​രു​ന്നു ര​ശ്​മി പ്ര​മോ​ദ്. ഒ​ന്ന​ര പ​തി​റ്റാ​ണ്ടാ​യി ക​രു​നാ​ഗ​പ്പ​ള്ളി ലാ​ലാ​ജി ജം​ഗ്​ഷ​ന് പ​ടി​ഞ്ഞാ​റ് പ്ര​വർ​ത്തി​ച്ചു​വ​ന്ന ഫി​ഡ​സ് അ​ക്കാഡ​മി അ​ടു​ത്തി​ടെ ദേ​ശീ​യപാ​ത​യിൽ ലാ​ലാ​ജി ജം​ഗ്​ഷ​ന് വ​ട​ക്കു​വ​ശം വി​പു​ല​മാ​യ സൗ​ക​ര്യ​ങ്ങ​ളോ​ടെ മാ​റ്റി സ്ഥാ​പി​ക്കു​ക​യു​ണ്ടാ​യി. ഓ​ച്ചി​റ പ​ര​ബ്ര​ഹ്മ ആ​ശു​പ​ത്രി മോർ​ച്ച​റി​യിൽ സൂ​ക്ഷി​ച്ചി​ട്ടു​ള്ള ര​ശ്​മി​യു​ടെ മൃ​ത​ദേ​ഹം ഇന്ന് രാ​വി​ലെ 7 ​ന് ക​ല്ലേ​ലി​ഭാ​ഗം ഗാ​ന്ധി​മു​ക്കി​ന് സ​മീ​പ​ത്തെ ര​ശ്​മി​യു​ടെ വ​സ​തി​യാ​യ തെ​ക്കേ​മു​റി​യിൽ ആ​രോൺ കോ​ട്ടേ​ജിൽ കൊ​ണ്ടു​വ​രും. 9 വ​രെ ഇ​വി​ടെ പൊ​തു ദർ​ശ​ന​ത്തി​ന് വ​ച്ച ശേ​ഷം മ​ല്ല​പ്പ​ള്ളി തെ​ക്കേ​മു​റി​യിൽ പ്ര​മോ​ദ് ഭ​വ​നി​ലേ​ക്ക് കൊ​ണ്ടുപോ​കും. വൈകിട്ട് 2.30​ന് മ​ല്ല​പ്പ​ള്ളി കീ​ഴ്‌വാ​യ്​പ്പൂർ മാർ​ത്തോ​മ്മ പ​ള്ളി സെ​മി​ത്തേ​രി​യിൽ സം​സ്​ക​രി​ക്കും. ആ​ശു​പ​ത്രി​യിൽ ചി​കി​ത്സ​യിൽ ക​ഴി​യു​ന്ന പ്ര​മോ​ദി​ന് സം​സ്​കാ​ര ച​ട​ങ്ങിൽ പ​ങ്കെ​ടു​ക്കു​ന്ന​തി​ന് വേ​ണ്ടി​യാ​ണ് തി​ങ്ക​ളാ​ഴ്​ച വ​രെ സ​മ​യം നീ​ട്ടി​യ​ത്. സം​സ്​കാ​രം ക​ഴി​ഞ്ഞ ശേ​ഷം പ്ര​മോ​ദ് ചി​കി​ത്സ​യി​ലാ​യി​രു​ന്ന എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്ക് മ​ട​ങ്ങും. ര​ശ്​മി​യു​ടെ വി​യോ​ഗ വാർ​ത്ത ഡോ​ക്ടർ​മാ​രാ​ണ് പ്ര​മോ​ദി​നെ അ​റി​യി​ച്ച​ത്.