കരുനാഗപ്പള്ളി : കെ.എസ്.ആർ.ടി.സി കരുനാഗപ്പള്ളി ഡിപ്പോയുടെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും ഗ്രാമീണ മേഖലയിലെ ഗതാഗത സൗകര്യം മെച്ചപ്പെടുത്തുന്നതിനായി ഗതാഗത വകുപ്പ് മന്ത്രി കെ.ബി.ഗണേഷ്‌കുമാറിന്റെ അദ്ധ്യക്ഷതയിൽ സി.ആർ.മഹേഷ്‌ എം.എൽ.എയുടെ സാന്നിദ്ധ്യത്തിൽ യോഗം ചേർന്നു. കെ.എസ്.ആർ.ടി.സി മാനേജിംഗ് ഡയറക്ടർ പ്രമോദ് ശങ്കർ, എക്സിക്യൂട്ടീവ് ഡയറക്ടർ പ്രദീപ്, എ. ടി. ഒ നിഷാർ, ആനന്ദക്കുട്ടൻ തുടങ്ങിയവർ യോഗത്തിൽ പങ്കെടുത്തു.

• കരുനാഗപ്പള്ളി-മാവേലിക്കര -കോട്ടയം -വഴി തൃശൂർ ഫാസ്റ്റ് പാസഞ്ചർ ബസ് സർവീസ് ആരംഭിക്കും.
• എസ്.വി.എച്ച്.എസ് ക്ലാപ്പന -കരുനാഗപ്പള്ളി, തഴവ ഗവ.ആർട്സ് ആൻഡ് സയൻസ് കോളേജ് കരുനാഗപ്പള്ളി, ഐ.എച്ച്.ആർ.ഡി എൻജിനിയറിംഗ് കോളേജ് , മഠത്തിൽ ബി.ജെ.എസ്.എം സ്‌കൂൾ എന്നിവടങ്ങളിലേക്കു ബസ് സർവീസ് ഒരു മാസത്തേക്ക് ട്രയൽ റൺ നടത്തും.
• കെ.എസ്.ആർ.ടി.സി വക സ്ഥലത്ത് അത്യാധുനിക സൗകര്യങ്ങളോടു കൂടിയ ഷോപ്പിംഗ് മന്ദിരം നിർമ്മിക്കും പരിശോധനക്കായി കെ.എസ്.ആർ.ടി.സി മാനേജിംഗ് ഡയറക്ടർ 17ന് കരുനാഗപ്പള്ളി ഡിപ്പോ സന്ദർശിക്കും.
• ഡിപ്പോ സ്മാർട്ട് ആക്കുന്നതിന് 7.25 ലക്ഷം രൂപ എം.എൽ.എ ഫണ്ട് അനുവദിച്ച വിവരം എം.എൽ.എ ഗതാഗത വകുപ്പ് മന്ത്രിയെ അറിയിച്ചു.

മിനി ബസ് വരുന്നതോടെ കൂടുതൽ ഗ്രാമീണ സർവീസുകൾ അനുവദിക്കാമെന്ന് മന്ത്രി ഉറപ്പു നൽകിയിട്ടുണ്ട്.

സി.ആർ. മഹേഷ്

എം.എൽ.എ