കൊല്ലം : യുവതിയെ കുത്തിക്കൊലപ്പെടുത്താൻ ശ്രമിച്ച പ്രതി പിടിയിൽ. പന്മന ചിറ്റൂർ ശിവമന്ദിരത്തിൽ അനിൽ കുമാർ(46) ആണ് ചവറ പൊലീസിന്റെ പിടിയിലായത്. കഴിഞ്ഞ ദിവസം ഉച്ചയ്ക്ക് 1.30 ന് ഇടപള്ളിക്കോട്ടയിൽ വച്ചാണ് പന്മന സ്വദേശിനിയായ സന്ധ്യക്ക് കുത്തേറ്റത്.

പ്രതിയും യുവതിയുടെ ഭർത്താവുമായുള്ള മുൻവിരോധമാണ് കത്തികുത്തിൽ കലാശിച്ചത്. നെഞ്ചിലും വയറ്റിലും കുത്തേറ്റ യുവതി തീവ്രപരിചരണ വിഭാഗത്തിൽ ചികിത്സയിലാണ്. പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത ചവറ പൊലീസ് ഉടൻ തന്നെ പ്രതിയെ കണ്ടെത്തി പിടികൂടുകയായിരുന്നു. ചവറ ഇൻസ്പെക്ടർ കെ.ആർ.ബിജുവിന്റെ നേതൃത്വത്തിൽ എസ്.ഐമാരായ അനീഷ്, പ്രദീപ്, എസ്.സി.പി.ഒ മാരായ രഞ്ജിത്ത്, മനീഷ്, അനിൽ എന്നിവർ ചേർന്നാണ് പ്രതിയെ പിടികൂടിയത്.