കൊല്ലം: മഴ പെയ്താലും പെയ്തൊഴി​ഞ്ഞാലും നീരാവിൽ അരയന്റെമുക്ക് റോഡിലെ വെള്ളക്കെട്ട് ഒഴി​യി​ല്ല. അധികൃതർക്കു മുന്നി​ൽ പരാതി​കൾ മലവെള്ളം പോലെ പതി​ച്ചി​ട്ടും പരി​ഹാരമി​ല്ലെന്നാണ് നാട്ടുകാരുടെ പരാതി​.

റോഡിൽ അശാസ്ത്രീയമായി​ ഇന്റർലോക് പാകി​യതാണ് വെള്ളക്കെട്ടിന് കാരണമായി ചൂണ്ടിക്കാട്ടുന്നത്. നാലുവർഷം മുൻപാണ് കല്ലുവെട്ടാംകുഴിയിലേക്ക് പോകുന്ന റോഡിന്റെ കറച്ചുഭാഗം മാത്രം ഇന്റർലോക് പാകിയത്. ബാക്കിഭാഗം ചെയ്യാത്തതിനാൽ റോഡിൽ ഉയരവ്യത്യാസം ഉണ്ടായി. ഇതുകാരണം ചെറിയ മഴപെയ്താൽ പോലും ഇന്റർലോക്ക് ചെയ്യാത്ത ഭാഗത്ത് വെള്ളക്കെട്ടാകുന്ന സ്ഥിതിയായി​. നീണ്ടു നിൽക്കുന്ന മഴയാണെങ്കിൽ ദുരിതം ഇരട്ടിയാകും. നിരവധി വാഹനങ്ങളും ആളുകളും കടന്നു പോകുന്ന റോഡാണിത്. കെട്ടിക്കി​ടക്കുന്ന വെള്ളത്തിൽ ചവിട്ടിവേണം കുട്ടികൾ ഉൾപ്പെടെ നടന്നുപോകാൻ.

ദിവസങ്ങളോളം കെട്ടി​നി​ന്ന ശേഷമാവും വെള്ളം ഒഴി​യുന്നത്. ടാറിളകി കുഴികൾ രൂപപ്പെട്ടിട്ടുള്ള ഭാഗത്ത് ഇരുചക്രവാഹനങ്ങൾ അപകടത്തിൽപ്പെടുന്നതും പതിവാണ്. റോഡിന്റെ ശോചനീയാവസ്ഥയും വെള്ളക്കെട്ടും മൂലം കാൽനട യാത്രക്കാരും ഇരുചക്രവാഹന യാത്രക്കാരടക്കമുള്ളവരും ബുദ്ധിമുട്ടുകയാണ്. ഹോട്ടലുകൾ, വർക്ക്ഷോപ്പ് തുടങ്ങിയ സ്ഥാപനങ്ങളും റോഡരി​കി​ൽ പ്രവർത്തിക്കുന്നുണ്ട്. കടവൂർ ഭാഗത്തേക്കും നീരാവിൽ സ്കൂളിലേക്കും മറ്റും പോകാൻ കൂടുതലായി ആളുകൾ ഉപയോഗിക്കുന്ന ഈ റോഡിന്റെ അപകതകൾ എത്രയും വേഗം പരിഹരിക്കണമെന്നാണ് നാട്ടുകാരുടെ ആവശ്യം.

മലിനജലം, പകർച്ചവ്യാധി

മാലിന്യം ഉൾപ്പെടെയുള്ള വെള്ളമാണ് ഇവിടെ കെട്ടിക്കി​ടക്കുന്നത്. ഈ വെള്ളം സമീപത്തെ വീടുകളിലേക്കുമെത്തും. ഇതിലൂടെ നടക്കുമ്പോൾ ചൊറിച്ചിൽ ർൾപ്പെടെ അനുഭവപ്പെടാറുണ്ടെന്ന് നാട്ടുകാർ പറയുന്നു. വെള്ളത്തിൽ നി​റയെ കുത്താടികളുമുണ്ട്. പ്രദേശത്ത് കൊതുകുശല്യവും രൂക്ഷമാണ്.

വെള്ളക്കെട്ട് ഉണ്ടാക്കുന്ന ബുദ്ധിമുട്ട് ചെറുതൊന്നുമല്ല. ദിവസങ്ങൾ എടുത്താലും വെള്ളം വലി​യാൻ ബുദ്ധി​മുട്ടാണ്

സുനിൽ, പ്രദേശവാസ

അഞ്ചാലുംമൂട്-തൃക്കടവൂ‌ർ സോണൽ ഓഫീസിൽ നിന്ന് ഓവർസിയറും മറ്റ് ഉദ്യോഗസ്ഥരും സ്ഥലം സന്ദർശിച്ചിരുന്നു. വെള്ളക്കെട്ടിന് ഉടൻ തന്നെ പരിഹാരം ഉണ്ടാക്കും

എൽ.സിന്ധുറാണി, കൗൺസിലർ, നീരാവിൽ ഡിവിഷൻ