കൊട്ടാരക്കര: അനശ്വര നടൻ കൊട്ടാരക്കര ശ്രീധരൻനായരുടെ പ്രതിമ ഉചിതമായ സ്ഥലത്ത് സ്ഥാപിക്കാൻ നഗരസഭ തയ്യാറാണെന്ന് നഗരസഭ വൈസ് ചെയർമാൻ വനജ രാജീവും കൗൺസിലർ ഉണ്ണിക്കൃഷ്ണമേനോനും ഉറപ്പു നൽകി. കൊട്ടാരക്കര റെയിൽവേ സ്റ്റേഷന് സമീപമുള്ള റവന്യൂ ഭൂമി ലഭ്യമാകുന്ന മുറക്ക് അവിടെ പാർക്ക് നിർമ്മിച്ച് സ്മാരകം നിർമ്മിക്കുമെന്നാണ് നഗരസഭ ഉറപ്പു നൽകിയത്. കൊട്ടാരക്കര ശ്രീധരൻനായർ ഫൗണ്ടേഷന്റെ ആഭിമുഖ്യത്തിൽ നടന്ന 38-ാം അനുസ്മരണ സമ്മേളനം അഡ്വ.പി.ഐഷാപോറ്റി ഉദ്ഘാടനം ചെയ്തു. ഫൗണ്ടേഷൻ ചെയർമാൻ ഡോ.പി.എൻ .ഗംഗാധരൻനായർ അദ്ധ്യക്ഷനായി.ചലച്ചിത്ര നടി ശ്രീലതാ നമ്പൂതിരി അനുസ്മരണ പ്രഭാഷണം നടത്തി. ചലച്ചിത്ര നിർമ്മാതാവും സാംസ്കാരിക ക്ഷേമനിധി ബോർഡ് ഡയറക്ടറുമായ അഡ്വ. കെ.അനിൽകുമാർ അമ്പലക്കര കലാ സാംസ്കാരിക പ്രതിഭകളെ ആദരിച്ചു. ഫൗണ്ടേഷൻ ജനറൽ സെക്രട്ടറി ജി.കലാധരൻ ആമുഖ പ്രഭാഷണം നടത്തി.. ശ്രീലതാ നമ്പൂതിരി, കലാമണ്ഡലം വിജയകൃഷ്ണനുണ്ണിത്താൻ, അജീഷ് കോട്ടാത്തല എന്നീ കലാകാരന്മാരെയും അഡ്വ.ഡി.എസ്. സുനിൽ,പ്രൊഫ.ജോൺ കുരാക്കാർ, കനകലത, സിതാര, സി.ഐ.രശ്മിദേവി,മംഗലം ബാബു , നന്ദന വിനീഷ്, കുമാരി ഗംഗ, അഞ്ജിത് എന്നിവരെ ചടങ്ങിൽ കാഥികൻ വസന്തകുമാർ സാംബശിവൻ ആദരിച്ചു. നഗരസഭ വൈസ് ചെയർപേഴ്സൺ വനജ രാജീവ്, അഡ്വ.കെ. ഉണ്ണികൃഷ്ണമേനോൻ,കണ്ണാട്ട് രവി, അരുൺ കാടാംകുളം, എം.എം.ഇസ്മയിൽ എന്നിവർ സംസാരിച്ചു, അഡ്വ. ആർ.കൃഷ്ണകുമാർ സ്വാഗതവും എൻ.സൈനുലാബ്ദീൻ നന്ദിയും പറഞ്ഞു. ശോഭ മോഹൻ, ഷൈലജ, വിനുമോഹൻ, അനുമോഹൻ എന്നിവർ പങ്കെടുത്തു. യോഗാനന്തരം ഡോ.വസന്തകുമാർ സാംബശിവന്റെ കഥാപ്രസംഗവും നടന്നു.