കരുനാഗപ്പള്ളി: സി.എസ്.സുബ്രഹ്മണ്യൻ പോറ്റി സ്മാരക ഗ്രന്ഥശാല ഏർപ്പെടുത്തിയ സാഹിത്യ പുരസ്കാരം നിഷ അനിൽകുമാറിന്റെ അവധൂതരുടെ അടയാളങ്ങൾ എന്ന നോവലിന്. 25,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം. ഡോ.സി. ഉണ്ണിക്കൃഷ്ണൻ, ഡോ.സുരേഷ് മാധവ്, ഡോ.നിസാർ കാത്തുങ്ങൽ എന്നിവരടങ്ങിയ ജൂറിയാണ്.കൃതി തിരഞ്ഞെടുത്തത്. നവംബർ 1ന് വൈകിട്ട് 4ന് കരുനാഗപ്പള്ളി ടൗൺ ക്ലബ്ബിൽ നടക്കുന്ന സി.എസ്. സുബ്രഹ്മണ്യൻ പോറ്റി അനുസ്മരണ പരിപാടിയിൽ പുരസ്കാരം സമ്മാനിക്കും.പത്ര സമ്മേളനത്തിൽ അഡ്വ.എൻ.രാജൻ പിള്ള, പ്രൊഫ.ആർ.അരുൺകുമാർ, എ. ഷാജഹാൻ, ഇടക്കുളങ്ങര ഗോപൻ, എസ്.ശിവകുമാർ എൻ.എസ്.അജയകുമാർ, എൻ. അജികുമാർ, സജിത നായർ എന്നിവർ പങ്കെടുത്തു.