കൊല്ലം: കല്ലുവാതുക്കൽ സമുദ്ര ചാരിറ്റബിൾ ട്രസ്റ്റിന്റെയും ഏഷ്യയിലെ പ്രമുഖ നേത്രചികിത്സാ സ്ഥാപനമായ തിരുനെൽവേലി അരവിന്ദ് കണ്ണാശുപത്രിയുടെയും കൊല്ലം ജില്ലാ അന്ധത കാഴ്ചവൈകല്യ നിയന്ത്രണ പരിപാടിയുടേയും സംയുക്ത ആഭിമുഖ്യത്തിൽ നടത്തുന്ന 54-ാമത് സൗജന്യ നേത്ര ചികിത്സക്യാമ്പും തിമിര ശസ്ത്രക്രിയയും 27ന് രാവിലെ 7 മുതൽ ഉച്ചയ്ക്ക് 1 വരെ കല്ലുവാതുക്കൽ യു.പി സ്കൂളിൽ നടക്കും. പാരിപ്പള്ളി പി.എച്ച്.സി അസിസ്റ്റന്റ് സർജൻ ഡോ. എസ്. വിവേക് ഉദ്ഘാടനം ചെയ്യും. രാവിലെ 7 മുതൽ ക്യാമ്പിൽ നേരിട്ടെത്തി രജിസ്ട്രേഷൻ നടത്താം. ആധാർ കോപ്പി കരുതണം. ഹൃദയ സംബന്ധമായ അസുഖങ്ങൾക്ക് മരുന്ന് കഴിക്കുന്നവർ ഡോക്ടറുടെ സർട്ടിഫിക്കറ്റ് കൊണ്ടുവരണം. തിമിര ശസ്ത്രക്രിയ ആവശ്യമുള്ള രോഗികൾ വീട്ടുകാരുടെ അറിവോടും സമ്മതത്തോടും കൂടി തിരുനെൽവേലിയിൽ പോകാനുള്ള തയ്യാറെടുപ്പോടു കൂടി എത്തണം. ഫോൺ: 9446909911, 6235100020