അഞ്ചൽ: കൊല്ലം സഹോദയ കലോത്സവത്തിൽ ഓവറോൾ ചാമ്പ്യന്മാരായ അഞ്ചൽ സെന്റ് ജോൺസ്

സ്​കൂളിൽ സമ്മാനർഹരായ വിദ്യാർത്ഥികളെ അനുമോദിച്ചുകൊണ്ട് വിക്ടറി ഡേ ആഘോഷിച്ചു. ഗ്രൂപ്പിനങ്ങളിലും വ്യക്തിഗത ഇനങ്ങളിലും വിജയം നേടിയവർക്ക് സമ്മാനങ്ങളും സർട്ടിഫിക്കറ്റുകളും വിതരണം ചെയ്തു. സ്​കൂൾ ലോക്കൽ മാനേജർ ഫാ.ബോവസ് മാത്യു, പ്രിൻസിപ്പൽ മേരി പോത്തൻ, വൈസ് ചെയർമാൻ കെ.എം. മാത്യു, പി.ടി.ആന്റണി, കലോത്സവ കോ-ഓർഡിനേറ്റർ ബി.എസ്.അനുജ എന്നിവർ സംസാരിച്ചു. കഴിഞ്ഞ കൊല്ലം സഹോദയ കലോത്സവത്തിൽ 1011 പോയിന്റ് നേടി അഞ്ചൽ സെന്റ് ജോൺസ് സ്​കൂൾ മികച്ച വിജയവും ഓവറോൾ ചാമ്പ്യൻഷിപ്പും കരസ്ഥമാക്കിയിരുന്നു.