കുണ്ടറ: മുക്കടയി​ൽ റെയിൽവേ ഗേറ്റ് ജോയി​ന്റ് അടർന്ന് കെ.എസ്.ഇ.ബി​ ജീവനക്കാർ സഞ്ചരി​ച്ച ജീപ്പിന് മുകളിൽ വീണു. ഇന്നലെ ഉച്ചയ്ക്ക് 12നായി​രുന്നു സംഭവം. കൊല്ലം എഗ്‌മോർ ട്രെയിൻ വരുന്നതിനു മുന്നോടിയായി ഗേറ്റ് അടയ്ക്കുന്നതിനിടെ തൊട്ടു പി​ന്നാലെ വന്ന ജീപ്പി​ന്റെ മുകളിൽ വീഴുകയുമായിരുന്നു. ഗേറ്റ് തകരാറിലായതോടെ സിഗ്നൽ ലഭ്യമാകാത്തതി​നാൽ ട്രെയിൻ ചന്ദനത്തോപ്പിനും കേരളപുരത്തിനുമിടയിൽ നിറുത്തി​യി​ട്ടു. ഗേറ്റ് താത്കാലികമായി ശരിയാക്കിയ ശേഷമാണ് ട്രെയിൻ കടത്തിവിട്ടത്. ജീപ്പിന്റെ ബോണറ്റിൽ ഗേറ്റ് വീണതിനാൽ അകത്തുണ്ടായിരുന്ന ജീവനക്കാർ അത്ഭുതകരമായി രക്ഷപ്പെട്ടു.