അവിണിശ്ശേരി: ഗാന്ധി ജയന്തി ദിനത്തിൽ അവിണിശ്ശേരി ഖാദി കേന്ദ്രം കേന്ദ്രമന്ത്രി സുരേഷ് ഗോപി സന്ദർശിച്ചു. ഗാന്ധി പ്രതിമയിൽ പുഷ്പാർച്ചന നടത്തുകയും വിൽപ്പനശാലയിൽ നിന്നും ഖാദിവസ്ത്രങ്ങൾ വാങ്ങുകയും ചെയ്തു. അവിണിശ്ശേരിയിലെ ഖാദി അഡ്മിനിസ്‌ട്രേറ്റർ സുരേഷ് കുമാർ പ്രതിസന്ധികളെ കുറിച്ച് മന്ത്രിയോട് വിശദീകരിച്ചു. ഇതിന്റെ അടിസ്ഥാനത്തിൽ മകളുടെ പേരിലുള്ള ലക്ഷ്മി ചാരിറ്റബിൾ ട്രസ്റ്റിൽ നിന്നും 40ലക്ഷം രൂപ സ്ലൈവർ പ്ലാന്റ് തുറന്നു പ്രവർത്തിപ്പിക്കുന്നതിനായി അനുവദിച്ചു. ബി.ജെ.പി ജില്ലാ പ്രസിഡന്റ് അഡ്വ. കെ.കെ. അനീഷ്‌കുമാർ, സംസ്ഥാന സെക്രട്ടറി എ. നാഗേഷ്, ജില്ലാ ജനറൽ സെക്രട്ടറി അഡ്വ. കെ.ആർ. ഹരി, അവിണിശ്ശേരി പഞ്ചായത്ത് പ്രസിഡന്റ് ഹരി സി. നരേന്ദ്രൻ, അവിണിശ്ശേരി പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ സൂര്യ ഷോബി, സായ രാമചന്ദ്രൻ, പി.എൻ. സുനിൽ കുമാർ എന്നിവർ പങ്കെടുത്തു.