തൃപ്രയാർ: കാലിക്കറ്റ് യൂണിവേഴ്‌സിറ്റി ഡി സോൺ കബഡി മത്സരത്തിൽ നാട്ടിക എസ്.എൻ കോളേജിന് കിരീടം. എസ്.എൻ കോളേജിൽ നടന്ന മത്സരത്തിൽ ഫൈനലിൽ ഐ.സി.എ കോളേജിനെ 42-15 പോയിന്റിന് തോൽപ്പിച്ച് എസ്.എൻ കോളേജ് ആധികാരിക ജയം നേടി. ലൂസേഴ്‌സ് ഫൈനലിൽ അച്യുതമേനോൻ ഗവ. കോളേജിനെ തോൽപ്പിച്ച് കേരളവർമ്മ മൂന്നാം സ്ഥാനം നേടി. വിജയികൾക്ക് പ്രിൻസിപ്പൽ ഡോ. പി.എസ്. ജയ ട്രോഫി നൽകി. കാലിക്കറ്റ് യൂണിവേഴ്‌സിറ്റി ഡി സോൺ കൺവീനർ ഡോ. ബിന്ദു, ഒബ്‌സെവർ ഡോ. ഹരി ദയാൽ, കായിക വിഭാഗം മേധാവി ശ്രീജി എന്നിവർ സംബന്ധിച്ചു.