ചാലക്കുടി: കുണ്ടുകുഴിപ്പാടം കുറ്റിച്ചിറ ശ്രീഅന്നപൂർണ്ണേശ്വരി ശ്രീഭദ്രകാളി ക്ഷേത്രത്തിൽ നവരാത്രി മഹോത്സവം ആരംഭിച്ചു. തപോവനം ശ്രീദക്ഷിണാമൂർത്തി വിദ്യാപീഠം ഡോ.അശ്വനിദേവ് തന്ത്രികൾ ഭദ്രദീപ പ്രകാശനം നിർവഹിച്ചു. എസ്.എൻ.ഡി.പി ചാലക്കുടി യൂണിയൻ സെക്രട്ടറി കെ.എ.ഉണ്ണിക്കൃഷ്ണൻ മുഖ്യാതിഥിയായി. ക്ഷേത്ര സമിതി പ്രസിഡന്റ് ടി.കെ.മനോഹരൻ അദ്ധ്യക്ഷത വഹിച്ചു. ക്ഷേത്രം മേൽശാന്തി അനൂപ് എടത്താടൻ മുഖ്യകാർമ്മികത്വം വഹിച്ചു. ക്ഷേത്ര സമിതി സെക്രട്ടറി കെ.വി.അജയൻ, യൂത്ത്മൂവ്‌മെന്റ് യൂണിയൻ സെക്രട്ടറി പി.സി.മനോജ്, ക്ഷേത്ര സമിതി വൈസ് പ്രസിഡന്റ് എ.വി.സുധീഷ്, ജോയിന്റ് സെക്രട്ടറി പി.കെ.രണദേവ്, പി.ജി.സന്തോഷ്‌ കുമാർ, ടി.കെ.അനിൽ, എം.ജി.രവി, വി.സി.പവിത്രൻ എന്നിവർ പ്രസംഗിച്ചു.