വലപ്പാട് പഞ്ചായത്തിൽ പ്രവർത്തനമാരംഭിച്ച വനിതാ ഫിറ്റ്‌നസ് സെന്റർ ജില്ലാ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്‌സൺ മഞ്ജുള അരുണൻ ഉദ്ഘാടനം ചെയ്യുന്നു.
വലപ്പാട് പഞ്ചായത്തിൽ പ്രവർത്തനമാരംഭിച്ച വനിതാ ഫിറ്റ്‌നസ് സെന്റർ ജില്ലാ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്‌സൺ മഞ്ജുള അരുണൻ ഉദ്ഘാടനം ചെയ്യുന്നു.
വലപ്പാട്: പഞ്ചായത്തിൽ വനിതാ ഫിറ്റ്‌നസ് സെന്റർ പ്രവർത്തനം ആരംഭിച്ചു. ജില്ലാ പഞ്ചായത്തിന്റെയും വലപ്പാട് പഞ്ചായത്തിന്റെയും സംയുക്ത പദ്ധതിയായാണ് ഫിറ്റ്‌നെസ് സെന്റർ ആരംഭിച്ചത്. ജില്ലാ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്‌സൺ മഞ്ജുള അരുണൻ ഉത്ഘാടനം ചെയ്തു. ചന്തപടിയിലെ ഷോപ്പിംഗ് കോംപ്ലക്‌സിലെ ഒന്നാം നിലയിൽ ആവശ്യമായ ഉപകരണങ്ങളോട് കൂടിയാണ് സെന്റർ പ്രവർത്തിക്കുക. ലേഡി ട്രെയിനറുടെ സേവനം ലഭ്യമാക്കിയിട്ടുണ്ട്. പ്രതിമാസം 250രൂപയാണ് ഫീസ്. പഞ്ചായത്ത് പ്രസിഡന്റ് ഷിനിത ആഷിക്ക് അദ്ധ്യക്ഷയായി. മല്ലിക ദേവൻ, വി.ആർ. ജിത്തു, കെ.എ. തപതി, ജ്യോതി രവീന്ദ്രൻ, വസന്ത ദേവലാൽ, കെ.എ. വിജയൻ, ഇ.പി. അജയ്‌ഘോഷ്, സിജി സുരേഷ്, ബി.കെ. മണിലാൽ, അനിത തൃദീപ്കുമാർ, അജ്മൽ ഷെരീഫ്, മണി ഉണ്ണിക്കൃഷ്ണൻ, അനിത കാർത്തികേയൻ, ഷൈൻ നേടിയിരിപ്പിൽ, വൈശാഖ് വേണുഗോപാൽ, ജസീറ തുടങ്ങിയവർ സംബന്ധിച്ചു.