മാള: കേന്ദ്ര കായിക വകുപ്പിന്റെ നേതൃത്വത്തിൽ ഗോവയിൽ നടന്ന അഖിലേന്ത്യ ഖേലോ ഭാരത് യൂത്ത് ഗെയിംസിൽ ദേശീയ ജൂനിയർ റോളർ സ്‌കേറ്റിംഗിൽ കേരളം ചാമ്പ്യന്മാരായി. കേരള ടീമിനെ പ്രതിനിധീകരിച്ചവരിൽ പത്തിൽ അഞ്ചുപേരും ഡോ. രാജു ഡേവിസ് ഇന്റർനാഷനൽ സ്‌കൂളിലെ താരങ്ങളായിരുന്നു. സെറ പെരേപ്പാടൻ, ആന്റോൺ ബിനോഷ് എന്നിവർ സ്വർണ മെഡൽ നേടി. മുഹമ്മദ് ഇൽഹാം, ദൈവമിത്ര രാജേഷ് എന്നിവർ വെള്ളി മെഡലും നേടി. നേപ്പാളിൽ നടക്കുന്ന ലോക ജൂനിയർ റോളർ സ്‌കേറ്റിംഗ് മത്സരങ്ങളിൽ പങ്കെടുക്കാനുള്ള അർഹതയും ലഭിച്ചു.