വിഴിഞ്ഞം: ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ വിദ്യാർത്ഥികൾക്ക് വിശേഷ ദിവസങ്ങളിലും ഒഴിവു ദിനങ്ങളിലും ധരിക്കുന്നതിനായുള്ള യൂണിഫോം, ജിദ്ദ കേന്ദ്രമായി പ്രവർത്തിക്കുന്ന തിരുവനന്തപുരം പ്രവാസി അസോസിയേഷൻ (ടി.പി.എ) നേതൃത്വത്തിൽ വിതരണം ചെയ്തു. അഡ്വ.എം.വിൻസെന്റ് എം.എൽ.എ ഉദ്ഘാടനം ചെയ്തു. ഹാർബർ വാർഡ് കൗൺസിലർ എം.നിസാമുദ്ദീൻ അദ്ധ്യക്ഷത വഹിച്ചു. ചടങ്ങിൽ പാഴ് വസ്തുക്കൾ കൊണ്ടുള്ള ഉത്പന്ന നിർമ്മാണ മത്സരങ്ങളുടെ സമ്മാനവിതരണവും അവാർഡ് ദാനവും നടന്നു. ഗവേഷണ കേന്ദ്രം ഡയറക്ടർ ഡോ:ബി.സന്തോഷ്, പ്രിൻസിപ്പൽ സയിന്റിസ്റ്റ് ഡോ.കൃഷ്ണ സുകുമാരൻ, പ്രിൻസിപ്പൽ ഡോ.ആശ, സയിന്റിസ്റ്റുകളായ ഡോ.സൂര്യ,ഡോ.രതി ഭുവനേശ്വരി, പ്രവാസി അസോസിയേഷൻ എക്സിക്യൂട്ടീവ് അംഗങ്ങളായ അൻഷാദ് ആറ്റിങ്ങൽ, മനോജ് കുമാർ പ്ലാമൂട്,സജീബ് വർക്കല,സീന അൻഷദ്, ഹാർബർ സ്കൂൾ എച്ച്.എം ബൈജു.എച്ച്.ഡി, എസ്.എം.സി ചെയർമാൻ താജുദ്ദീൻ റഹ്മാനി,പി.ടി.എ പ്രസിഡന്റ് അൻവർഷാൻ, സക്കറിയ്യ.പി തുടങ്ങിയവർ പങ്കെടുത്തു.