വർക്കല: തിരുവനന്തപുരം റൂറൽ ജില്ലാ ജനമൈത്രി പൊലീസിന്റെ ആഭിമുഖ്യത്തിൽ മുതിർന്ന പൗരന്മാരുടെ ക്ഷേമത്തിനും സംരക്ഷണത്തിനുമായി നിർമ്മിച്ച പ്രശാന്തി ബോധവത്കരണ ഹ്രസ്വചിത്രത്തിന്റെ പ്രദർശനോദ്ഘാടനം വർക്കലയിൽ അഡ്വ.വി.ജോയി എം.എൽ.എ നിർവഹിച്ചു. ജില്ലാ റൂറൽ പൊലീസ് മേധാവി കിരൺനാരായണൻ അദ്ധ്യക്ഷത വഹിച്ചു. നഗരസഭ ചെയർമാൻ കെ.എം.ലാജി,​ സ്റ്റാൻഡിംഗ് കമ്മിറ്റി ചെയർമാൻ നിതിൻ ജി.നായർ,​ വർക്കല എ.എസ്.പി ദീപക് ധൻകർ,​ എസ്.എച്ച്.ഒ ജെ.എസ്.പ്രവീൺ എന്നിവർ സംസാരിച്ചു. ഹ്രസ്വചിത്രത്തിന്റെ ആശയം കിരൺനാരായണനും ഏകോപനം അഡിഷണൽ എസ്.പി വിനോദ്.സിയും പൊലീസ് ട്രെയിനിംഗ് കോളേജ് വൈസ് പ്രിൻസിപ്പൽ അബ്ദുൽ വഹാബുമാണ്. അനിൽകാരേറ്റ് സംവിധാനം ചെയ്ത ഹ്രസ്വചിത്രത്തിന്റെ നിർമ്മാണ നിയന്ത്റണം എസ്.ഐമാരായ ജയകുമാർ,​ എസ്.ശ്രീകുമാർ. ക്യാമറ ജഗത്ചന്ദ്,​ രാജീവ്.സി.പി. എഡിറ്റിംഗ് ഹേമന്ദ് ആർ.നായർ.​ സംഗീതം അസിംസലിം എന്നിവരാണ്.