തിരുവനന്തപുരം:കേരളകൗമുദി ബോധപൗർണ്ണമി ക്ലബ്ബ്, ലയൺസ് ക്ലബ് ഒഫ് ബാലരാമപുരം, ജനമൈത്രി പൊലീസ്,നാഷണൽ സർവീസ് സ്കീം (യൂണിറ്റ് നമ്പർ - 11),നെല്ലിമൂട് ന്യൂ ഹയർ സെക്കൻഡറി സ്കൂൾ എന്നിവർ സംയുക്തമായി ഗാന്ധിജയന്തി ദിനാചരണവും ലഹരി, സൈബർ ബോധവത്കരണ സെമിനാറും സംഘടിപ്പിച്ചു. നെല്ലിമൂട് ന്യൂ ഹയർ സെക്കൻഡറി സ്കൂൾ അങ്കണത്തിൽ നടന്ന പരിപാടി ബാലരാമപുരം ലയൺസ് ക്ലബ് പ്രസിഡന്റ് എം.ജെ.എഫ് ലയൺ മേലാംകോട് സുധാകരൻ ഉദ്ഘാടനം ചെയ്തു. പി.ടി.എ പ്രസിഡന്റ് അഡ്വ.എസ്.എസ്. ഷാജി അദ്ധ്യക്ഷനായി. സ്കൂൾ പ്രിൻസിപ്പൽ എസ്.കെ. അനിൽകുമാർ സ്വാഗതം പറഞ്ഞ ചടങ്ങിൽ കേരളകൗമുദി സീനിയർ സർക്കുലേഷൻ മാനേജർ സേതുനാഥ് ബോധ പൗർണമി സന്ദേശം നൽകി. എൻ.എസ്.എസ് പ്രോഗ്രാം ഓഫീസർ ജോൺ ബ്രൈറ്റ് ഗാന്ധിജയന്തി ദിന സന്ദേശം നൽകി.വിദ്യാർത്ഥി പ്രതിനിധി കൃപ.എസ് ലഹരി വിരുദ്ധ പ്രതിജ്ഞ ചൊല്ലി. ലയൺസ് ക്ലബ് റീജിയണൽ ചെയർമാൻ ലയൺ ഫ്രാങ്ക്ലിൻ രാജ്, സോണൽ ചെയർമാൻ ലയൺ സലിം ജോസ്, ഭക്തികുമാർ, എൻ.എസ്.എസ് പ്രോഗ്രാം ഓഫീസർ ഉണ്ണികൃഷ്ണൻ തുടങ്ങിയവർ സംസാരിച്ചു, കേരള കൗമുദി അസിസ്റ്റന്റ് മാനേജർ (പി.എം.ഡി ) കല എസ്.ഡി നന്ദി പറഞ്ഞു.

ഫോട്ടോ:കേരളകൗമുദി ബോധപൗർണ്ണമി ക്ലബ്, ലയൺസ് ക്ലബ് ഒഫ് ബാലരാമപുരം, ജനമൈത്രി പൊലീസ്, നാഷണൽ സർവീസ് സ്കീം (യൂണിറ്റ് നമ്പർ -11),നെല്ലിമൂട് ന്യൂ ഹയർ സെക്കൻഡറി സ്കൂൾ എന്നിവർ സംയുക്തമായി സ്കൂൾ അങ്കണത്തിൽ സംഘടിപ്പിച്ച ഗാന്ധിജയന്തി ദിനാചരണവും ലഹരി - സൈബർ ബോധവത്കരണ സെമിനാറും ബാലരാമപുരം ലയൺസ് ക്ലബ് പ്രസിഡന്റ് എം. ജെ.എഫ് ലയൺ മേലാംകോട് സുധാകരൻ ഉദ്ഘാടനം ചെയ്യുന്നു.