ആറ്റിങ്ങൽ: ആറ്റിങ്ങൽ ഉപജില്ലാ ശാസ്ത്രോത്സവത്തിന് ഇന്ന് തുടക്കമാകും.ശാസ്ത്രോത്സവത്തിന്റെ ഭാഗമായി ശാസ്ത്രമേള,ഗണിതശാസ്ത്രമേള,മാനവിക ശാസ്ത്രമേള,പ്രവൃത്തി പരിചയമേള,ഐ.ടി മേള എന്നിവ നടക്കും.ആറ്റിങ്ങൽ ഗവൺമെന്റ് ഗേൾസ് ഹയർസെക്കൻഡറി സ്കൂൾ,ഡയറ്റ് ആറ്റിങ്ങൽ എന്നിവിടങ്ങളിലാണ് മേളകൾ സംഘടിപ്പിക്കുന്നത്.രണ്ട് ദിവസങ്ങളിലായി നടക്കുന്ന ശാസ്ത്രോത്സവം ഇന്ന് രാവിലെ 10ന് അടൂർ പ്രകാശ് എം.പി ഉദ്ഘാടനം ചെയ്യും.ആറ്റിങ്ങൽ നഗരസഭ ചെയർപേഴ്സൺ എസ്.കുമാരി അദ്ധ്യക്ഷത വഹിക്കും.മുൻസിപ്പൽ കൗൺസിലർമാരായ എസ്.ഗിരിജ,എസ്.ഷീജ,രമ്യ സുധീർ,ആറ്റിങ്ങൽ ഉപജില്ലാ ഓഫീസർ പി.സജി എന്നിവർ പങ്കെടുക്കും.ഇന്ന് ഗേൾസ് ഹയർസെക്കൻഡറി സ്കൂളിൽ പ്രവൃത്തി പരിചയമേളയും,ഐ.ടി മേളയും ഡയറ്റ് സ്കൂളിൽ ഗണിതശാസ്ത്രമേളയും നടക്കും.വ്യാഴാഴ്ച ഗേൾസ് ഹയർസെക്കൻഡറി സ്കൂളിൽ ശാസ്ത്രമേളയും ഡയറ്റ് സ്കൂളിൽ സാമൂഹ്യശാസ്ത്ര മേളയുമാണ് ക്രമീകരിച്ചിരിക്കുന്നത്.സമാപന സമ്മേളനത്തിൽ ഒ.എസ്.അംബിക എം.എൽ.എ പങ്കെടുക്കും.