തിരുവനന്തപുരം: ആരോമൽ ആലപിച്ച ഭക്തിഗാന വീഡിയോ ആൽബം 'ദേവീ നാദാംബികേ' 13ന് വൈകിട്ട് 6ന് ഭാരത് ഭവൻ തിരുമുറ്റത്ത് അജയ് വെള്ളരിപ്പണയും സംഘവും അവതരിപ്പിക്കുന്ന വയലാർ,ദേവരാജൻ,ബാബുരാജ് സ്മൃതി ഗാനസന്ധ്യയിൽ പ്രകാശനം ചെയ്യും.മതമൈത്രി സംഗീതജ്ഞനും ചലച്ചിത്ര സംഗീത സംവിധായകനുമായ ഡോ.വാഴമുട്ടം ചന്ദ്രബാബു ദേശീയ ബാലതരംഗം കോഓർഡിനേറ്ററും പ്രേംനസീർ സുഹൃത് സമിതി വർക്കിംഗ് പ്രസിഡന്റുമായ എം.എച്ച്.സുലൈമാന് സിഡി നൽകിയാണ് പ്രകാശനം.ആറ്റുകാൽ ദേവിയെക്കുറിച്ചുള്ള ആൽബം അജയ് വെള്ളരിപ്പണയാണ് രചിച്ചത്.മണക്കാട് കുത്തുകല്ലിൻമൂട് ജവഹർ വിദ്യാഭവൻ ഇംഗ്ലീഷ് മീഡിയം സ്കൂളിലെ ആറാം ക്ലാസ്‌ വിദ്യാർത്ഥിയാണ് ആരോമൽ.