ചിറയിൻകീഴ്: അഴൂർ - മുട്ടപ്പലം എൻ.എസ്.എസ് കരയോഗത്തിന്റെ വിശേഷാൽ പൊതുയോഗവും പുതുതായി നിർമ്മിച്ച ജെ.ലക്ഷ്മിക്കുട്ടിയമ്മ സ്മാരക ഹാൾ ഉദ്ഘാടനവും എൻ.എസ്.എസ് താലൂക്ക് യൂണിയൻ പ്രസിഡന്റ് അഡ്വ.ജി മധുസൂദനൻപിള്ള നിർവഹിച്ചു. കരയോഗം പ്രസിഡന്റ് ആർ.വിജയൻ തമ്പി അദ്ധ്യക്ഷത വഹിച്ചു. മുട്ടപ്പലം കൃഷ്ണവിലാസത്തിൽ ജെ.ലക്ഷ്മിക്കുട്ടിയമ്മയുടെ സ്മരണയ്ക്കായി മകൻ യേശുദാസ് പിള്ളയാണ് ഹാൾ നിർമ്മിച്ചത്. എൻ.എസ്.എസ് താലൂക്ക് യൂണിയൻ സെക്രട്ടറി ജി.അശോക് കുമാർ,ചിറയിൻകീഴ് മേഖല കൺവീനർ ഡോ.കെ.എസ് വിജയകുമാരൻ നായർ,താലൂക്ക് വനിതാസമാജം പ്രസിഡന്റ് കുമാരി ലത ബി.എസ്,കരയോഗം വൈസ് പ്രസിഡന്റ് എസ്.ചന്ദ്രൻപിള്ള,കരയോഗം സെക്രട്ടറി ബി.കൃഷ്ണൻ നായർ,വനിതാസമാജം പ്രസിഡന്റ് എൽ.സജിതകുമാരി,ഭാരവാഹികളായ മുട്ടപ്പലം വിജയകുമാർ,കെ.പി.ഭദ്രാമ്മ,അഴൂർ ചിലമ്പിൽ, മാതശ്ശേരിക്കോണം,മരങ്ങാട്ടുകോണം കരയോഗം ഭാരവാഹികൾ തുടങ്ങിയവർ പങ്കെടുത്തു.