തിരുവനന്തപുരം: ജില്ലയിലെ നേമം, കൊച്ചുവേളി റെയിൽവേ സ്റ്റേഷനുകളുടെ പേരുകൾ മാറ്റിക്കൊണ്ട് സതേൺ റെയിൽവേ വിജ്ഞാപനം പുറത്തിറക്കി. നേമം റെയിൽവേ സ്റ്റേഷന്റെ പേര് തിരുവനന്തപുരം സൗത്ത് എന്നും കൊച്ചുവേളി തിരുവനന്തപുരം നോർത്ത് എന്നും മാറ്റിയാണ് വിജ്ഞാപനം ഇറങ്ങിയിരിക്കുന്നത്. സംസ്ഥാന സർക്കാറിന്റെ അപേക്ഷ പരിഗണിച്ചാണ് നടപടി. ഇതു സംബന്ധിച്ച സംസ്ഥാന സർക്കാരിന്റെ വിജ്ഞാപനം മുൻപ് പുറത്തിറങ്ങിയിരുന്നു. റെയിൽവേ ബോർഡിന്റെ വിജ്ഞാപനം കൂടി പുറത്തിറങ്ങിയതോടെ പേരുമാറ്റം ഔദ്യോഗികമായി നിലവിൽ വന്നു.