ആറ്റിങ്ങൽ: ആറ്റിങ്ങൽ ഉപജില്ലാ സ്കൂൾ കലോത്സവത്തിന് ഞെക്കാട് ഗവ. ഹയർസക്കൻഡറി സ്കൂളിൽ 23ന് തിരിതെളിയും. 23 മുതൽ 26 വരെ നാലു ദിവസങ്ങളിലായി നടക്കുന്ന കലോത്സവത്തിൽ ഉപജില്ലയിലെ 90 സ്‌കൂളുകളിൽ നിന്ന് മൂവായിരത്തിലധികം പ്രതിഭകൾ മാറ്റുരക്കും. കലോത്സവത്തിന്റെ പ്രധാന വേദിയുടെ കാൽനാട്ട് കർമ്മം ഒറ്റൂർ പഞ്ചായത്ത് വൈസ് പ്രസിഡന്റ് ജയപ്രകാശും സ്കൂൾ പി.ടി.എ പ്രസിഡന്റും ഒറ്റൂർ പഞ്ചായത്ത്‌ മെമ്പറുമായ ഒ.ലിജയും ചേർന്ന് നിർവഹിച്ചു. ആറ്റിങ്ങൽ ഉപജില്ല വിദ്യാഭ്യാസ ഓഫീസർ പി.സജി അദ്ധ്യക്ഷത വഹിച്ച യോഗത്തിൽ മേളയുടെ ജനറൽ കൺവീനർ എസ്.ശ്രീജ, എസ്.എം.സി ചെയർമാൻ എസ്.അനിൽകുമാർ, ഹെഡ്മാസ്റ്റർ എൻ.സന്തോഷ്‌, പന്തൽക്കമ്മിറ്റി കൺവീനർ ആർ.എ.അനീഷ് തുടങ്ങിയവർ പങ്കെടുത്തു.