തിരുവനന്തപുരം: അന്തരീക്ഷ മലിനീകരണം നിയന്ത്രിക്കുന്നതിനായി ദീപാവലി ആഘോഷക്കാലത്ത് പടക്കം പൊട്ടിക്കുന്നത് രാത്രി എട്ടുമുതൽ 10 വരെയും ക്രിസ്‌മസ്,പുതുവത്സരാഘോഷങ്ങളിൽ രാത്രി 11.55 മുതൽ പുലർച്ചെ 12.30വരെയുമാക്കി നിയന്ത്രിച്ച് സർക്കാർ ഉത്തരവ്. ഹരിത പടക്കങ്ങൾക്ക് മാത്രമേ അനുവാദമുണ്ടാകൂ. കളക്ടർമാരും ജില്ലാ പൊലീസ് മേധാവിമാരും ഇക്കാര്യം ഉറപ്പാക്കണം. ദേശീയ ഹരിത ട്രൈബ്യൂണലും മലിനീകരണ നിയന്ത്രണബോർഡും ഇക്കാര്യം സർക്കാരിനോട് ആവശ്യപ്പെട്ടിരുന്നു.