തിരുവനന്തപുരം: സർക്കാരിന്റെ നൂറുദിന കർമ്മ പരിപാടികളുടെ ഭാഗമായി കാര്യവട്ടം ക്യാമ്പസിൽ പണികഴിപ്പിച്ച രണ്ട് ഹോസ്​റ്റലുകളുടെയും റീജനറേ​റ്റീവ് മെഡിസിൻ ആൻഡ് സ്​റ്റെം സെൽ ലബോറട്ടറി കെട്ടിടത്തിന്റെയും ഉദ്ഘാടനം മുഖ്യമന്ത്റി പിണറായി വിജയൻ 23ന് വൈകിട്ട് നാലിന് നിർവഹിക്കും. മന്ത്റി ഡോ.ആർ.ബിന്ദു അദ്ധ്യക്ഷത വഹിക്കും.കടകംപള്ളി സുരേന്ദ്രൻ എം.എൽ.എ വിശിഷ്ടാതിഥിയാവും.പെൺകുട്ടികൾക്കും ആൺകുട്ടികൾക്കുമായി കിഫ്ബി പണമുപയോഗിച്ചാണ് ഹോസ്​റ്റലുകൾ നിർമ്മിച്ചത്.സ്​റ്റെം സെൽ ഗവേഷണത്തിനാണ് ലബോറട്ടറി നിർമ്മിച്ചത്. പദ്ധതികൾക്കായി 27കോടി ചെലവിട്ടു.