കടയ്ക്കാവൂർ: അഞ്ചുതെങ്ങ്-വക്കം പഞ്ചായത്തുകളെ ബന്ധിപ്പിക്കുന്ന കായിക്കര കടവ് പാലത്തിന്റെ നിർമ്മാണത്തിന് ആവശ്യമായ ഭൂമി ഏറ്റെടുക്കൽ നടപടികൾ ഉടൻ പൂർത്തിയാക്കണമെന്ന് സി.പി.എം അഞ്ചുതെങ്ങ് ലോക്കൽ സമ്മേളനം അധികൃതരോട് ആവശ്യപ്പെട്ടു. സമ്മേളനം എ.ജയദേവൻ നഗറിൽ (കായിക്കര ആശാൻ സ്‌മാരകം) സി.പി.എം ജില്ലാ കമ്മിറ്റി അംഗം അഡ്വ.ഷൈലജ ബീഗം ഉദ്ഘാടനം ചെയ്തു. വി.ലൈജു,ആർ.ജെറാൾഡ്,ലിജാബോസ്,വിജയ് വിമൽ എന്നിവർ സമ്മേളന നടപടികൾ നിയന്ത്രിച്ചു. അഡ്വ.എസ്.ലെനിൻ,എം.പ്രദീപ്,ആർ.രാജു,അഞ്ചുതെങ്ങ് സുരേന്ദ്രൻ, സി.പയസ് എന്നിവർ സംസാരിച്ചു. വി.ലൈജു,എസ്.പ്രവീൺചന്ദ്ര,ആർ.ജെറാൾഡ്,ബി.എൻ.സൈജുരാജ്,കെ.ബാബു, ലിജാ ബോസ്,പി.വിമൽരാജ്,സജി സുന്ദർ,വിഷ്ണു മോഹൻ,സി.തോബിയാസ്,സ്റ്റീഫൻ ലൂയിസ്,സോഫിയ,വിജയ് വിമൽ, സെൽവൻ,കിരൺ ജോസഫ് എന്നിവരെ ലോക്കൽ കമ്മിറ്റിയിലേക്കും എസ്.പ്രവീൺ ചന്ദ്രയെ ലോക്കൽ കമ്മിറ്റി സെക്രട്ടറിയായും തിരഞ്ഞെടുത്തു.