ശംഖുംമുഖം: തിരുവനന്തപുരം- പൂനെ സെക്ടറിൽ ഇൻഡിഗോ എയർലൈൻസിന്റെ പ്രതിദിന സർവീസ് ആരംഭിച്ചു. ആദ്യ സർവീസ് ചലച്ചിത്ര നടൻ ജയറാം ഉദ്ഘാടനം ചെയ്തു. പൂനെ- തിരുവനന്തപുരം സർവീസ് രാത്രി 11.10ന് പുറപ്പെട്ട് പുലർച്ചെ 1.5ന് തിരുവനന്തപുരത്ത് എത്തിച്ചേരും. മടക്ക വിമാനം (6ഇ-6648) തിരുവനന്തപുരത്ത് നിന്ന് പുലർച്ചെ 2:40ന് പുറപ്പെട്ട് പുലർച്ചെ 4:35ന് പൂനെയിലെത്തും. ആഭ്യന്തര ടെർമിനലിർനിന്നായിരിക്കും സർവീസ്.