അമ്പലപ്പുഴ: അമ്പലപ്പുഴ ഉപജില്ലാ സ്കൂൾ കലോത്സവത്തിന് തിരി തെളിഞ്ഞു. ഉപജില്ലയിലെ 59 വിദ്യാലയങ്ങളിൽ നിന്നായി 2500 ഓളം കലാ പ്രതിഭകൾ 245 ഇനങ്ങളിൽ 4 ദിവസങ്ങളിലായി മാറ്റുരയ്ക്കും. മോഡൽ ഹയർ സെക്കൻഡറി സ്കൂളാണ് പ്രധാന വേദി. 7 വേദികളിലായാണ് മത്സരം നടക്കുക. അമ്പലപ്പുഴ ഗവ. മോഡൽ ഹയർ സെക്കൻഡറി സ്കൂളിൽ കലോത്സവത്തിന്റെ ഉദ്ഘാടനം എച്ച്.സലാം എം.എൽ.എ നിർവഹിച്ചു. അമ്പലപ്പുഴ തെക്ക് പഞ്ചായത്ത് പ്രസിഡന്റ് ശോഭാ ബാലൻ അദ്ധ്യക്ഷയായി. ചലച്ചിത്ര താരം മഹാദേവൻ മുഖ്യാതിഥിയായി.സംസ്ഥാന അദ്ധ്യാപക അവാർഡ് ജേതാവ് ഗായത്രിയെ ആദരിച്ചു. മുത്തൂറ്റ് മിനി സോണൽ മാനേജർ സി.യു. ശ്രീജിത്ത് സ്പോർടസ് ജഴ്സി കൈമാറ്റം നിർവഹിച്ചു. ബ്ലോക്ക് പഞ്ചായത്തംഗവും എസ്.എം.സി ചെയർപേഴ്സണുമായ ശ്രീജാ രതീഷ്, ബ്ലോക്ക് പഞ്ചായത്തംഗം വി. അനിത, അമ്പലപ്പുഴ ബ്ലോക്ക് പ്രോഗ്രാം കോ- ഓർഡിനേറ്റർ എം.ജി.ജയ കൃഷ്ണൻ, എച്ച്.എം.ഫോറം കൺവീനർ രാധാകൃഷ്ണ പൈ, അദ്ധ്യാപക സംഘടനാ പ്രതിനിധികളായ എ.ജെ. സിസിലി, നവാസ് എച്ച്.പാനൂർ എന്നിവർ സംസാരിച്ചു. ഉപജില്ലാ വിദ്യാഭ്യാസ ഓഫീസർ എസ്. സുമാദേവി സ്വാഗതവും, സ്വീകരണകമ്മിറ്റി കൺവീനർ എം.സുനിൽ കുമാർ നന്ദിയും പറഞ്ഞു.

ബുധനാഴ്ച വൈകിട്ട് 4ന് നടക്കുന്ന സമാപന സമ്മേളനം ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ എം.വി.പ്രിയ ഉദ്ഘാടനം ചെയ്യും. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് അഡ്വ. ഷീബാ രാകേഷ് അദ്ധ്യക്ഷയാകും . ജില്ലാ വിദ്യാഭ്യാസ ഓഫീസർ എൽ. പവിഴകുമാരി സമ്മാനദാനം നിർവഹിക്കും.