ആലപ്പുഴ : അയൺമാൻ ഗോവ 70.3ൽ വിജയികളായി ദമ്പതികൾ. ആലപ്പുഴ സ്വദേശികളായ ഡോ.രൂപേഷും ഭാര്യ സുശീല പൈയുമാണ് അഭിമാനനേട്ടം കൈവരിച്ചത്. കപ്പി​ൾസ് വി​ഭാഗത്തി​ൽ റി​ലേയി​ലായി​രുന്നു ഇവരുടെ വി​ജയം. മക്കളായ ആരുഷ്, സുരേഷ് എന്നിവർ അയൺ​ കി​ഡ് വിഭാഗത്തിലും വിജയികളായി. മലബാർ ഡെന്റൽ കോളേജിലെ പ്രൊഫസറും ആലപ്പുഴ ദന്തൽ ഹോം ഉടമയുമായ ഡോ.രൂപേഷ് മൂന്ന് തവണ അയൺമാൻ പട്ടം കൈവരിച്ചിട്ടുള്ളയാളാണ്. മൂന്ന് തവണ ഹാഫ് അയൺ​മാൻ പട്ടവും നേടി​യി​ട്ടുണ്ട്.

ലോകത്തിൽ ഏറ്റവും കഠിനമേറിയ ഒരു ദിവസത്തിൽ നടത്തുന്ന ദൈർഘ്യമുള്ള കായിക ഇനമാണ് അയൺമാൻ ട്രയാത്തലോൺ.
4 കിലോമീറ്റർ കടലിൽ നീന്തി 180 കിലോമീറ്റർ സൈക്കിൾ ചവിട്ടി 42 കിലോമീറ്റർ ഓടുകയും ചെയ്യണം. ഇത് 16 മണിക്കൂറിനുള്ളിൽ പൂർത്തീകരിക്കുന്ന ആൾക്കാണ് അയൺമാൻ പട്ടം ലഭിക്കുന്നത്. ഇതിന്റെ പകുതി ദൂരം ട്രയാത്തലോൺ​ ആണ് ഗോവയി​ൽ നടന്ന അയൺമാൻ 70.3. ഇന്ത്യയിൽ ഗോവയിൽ മാത്രമാണ് അയൺ മാൻ 70.3 മത്സരം നടത്തപെടുന്നത്