മുഹമ്മ:നവംബർ 4 മുതൽ 11 വരെ എറണാകുളത്ത് നടക്കുന്ന സംസ്ഥാന കായിക മേളയിൽ പങ്കെടുക്കുന്ന എല്ലാ കായിക താരങ്ങൾക്കും ആലപ്പുഴ ജില്ലാപഞ്ചായത്ത് ജഴ്സി വിതരണം ചെയ്തു.ജില്ലാ പഞ്ചായത്ത് വൈസ് പ്രസിഡന്റ് എൻ. എസ്. ശിവപ്രസാദാണ് ജഴ്സി കൈമാറിയത്.ആലപ്പുഴ ജില്ലയിൽ നിന്ന് 1075 കായികതാരങ്ങളും 75 ഒഫിഷ്യൽസുമാണ് വിവിധ ഇനങ്ങളിൽ സംസ്ഥാന കായിക മേളയിൽ പങ്കെടുക്കുന്നത്.ജില്ലാകായിക മേളയിൽ ഓവറോൾ ചാമ്പ്യന്മാരായ കലവൂർ ഗവ.ഹയർസെക്കൻഡറി സ്കൂളിൽ നടന്ന പരിപാടിയിൽ ജില്ലാപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർ പേഴ്സൺ എം.വി.പ്രിയ അദ്ധ്യക്ഷയായി. ജില്ലാപഞ്ചായത്ത് അംഗം അഡ്വ. ആർ.റിയാസ് സ്വാഗതം പറഞ്ഞു. വികസന സ്റ്റാന്റിംഗ് കമ്മിറ്റി ചെയൻ പേഴ്സൺ ബിനുഐസക്ക് രാജു, പി.ടി.എ പ്രസിഡന്റ് മോഹൻദാസ് , സ്പോർട്സ് അദ്ധ്യാപിക അന്നമ്മ , അദ്ധ്യാപിക ആശ തുടങ്ങിയവർ പങ്കെടുത്തു.