കായംകുളം: കായംകുളം ഉപജില്ലാ സ്കൂൾകലോത്സവം ഇന്ന് മുതൽ എട്ടുവരെ കായംകുളം എം.എസ്.എം എച്ച്.എസ്.എസ് പ്രധാന വേദിയായി നടക്കും. ഉപജില്ലയിലെ 117 വിദ്യാലയങ്ങളിൽ നിന്നായി 5700 കലാപ്രതിഭകൾ 800 ഇനങ്ങളിലായി മത്സരത്തിൽ പങ്കെടുക്കും. ഏഴ് വേദികളിലായി മത്സരം നടക്കുന്നത്.

അറബി, സംസ്‌കൃതം കലോത്സവങ്ങൾക്ക് വേദിയാകുന്നത് ശ്രീ വിഠോബ ഹൈസ്കൂളിലാണ് ആണ്.ഗോത്രകലകളും ഇത്തവണ കലോത്സവത്തിൽ മത്സര ഇനമായി ഉൾപ്പെടുത്തിയിട്ടുണ്ട്. ഇന്ന് രാവിലെ 10.30 ന് യു.പ്രതിഭ എം.എൽ.എ ഉദ്ഘാടനം ചെയ്യും.മുനിസിപ്പൽ ചെയർപേഴ്സൺ പി.ശശികല അദ്ധ്യക്ഷത വഹിക്കും.സ്കൂൾ മാനേജർ ഹിലാൽ ബാബുവിനെ ചടങ്ങിൽ ആദരിക്കും.8 ന് വൈകിട്ട് 4 ന് നടക്കുന്ന സമാപന സമ്മേളനം മുനിസിപ്പൽ വൈസ് ചെയർമാൻ ജെ.ആദർശ് ഉദ്ഘാടനം ചെയ്യും.

വാർത്താസമ്മേളനത്തിൽ ജനറൽ കൺവീനർ ടി. സിദിഖ്,ഉപജില്ലാവിദ്യാഭ്യാസ ഓഫീസർ എ. സിന്ധു,പബ്ലിസിറ്റികൺവീനർ എ. മുജീബ്,പ്രോഗ്രാം കമ്മിറ്റികൺവീനർ അനിൽ ബോസ് എന്നിവർ പങ്കെടുത്തു.