ആലപ്പുഴ : എറണാകുളത്ത് നടക്കുന്ന സംസ്ഥാന സ്‌കൂൾ കായികമേളയിൽ ജില്ലയിലെ വിവിധ പൊതു വിദ്യാലയങ്ങളിൽ പഠിക്കുന്ന 105 ഭിന്നശേഷി കുട്ടികൾ പങ്കെടുക്കും. മേളയിൽ പങ്കെടുക്കാനുള്ള ടീമിന്റെ യാത്ര ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി ഫ്ളാഗ് ഓഫ് ചെയ്തു. ജില്ലാ പഞ്ചായത്ത് അംഗം ആർ .റിയാസ് ചടങ്ങിൽ അധ്യക്ഷത വഹിച്ചു. ജില്ലാ പഞ്ചായത്തിന്റെ നേതൃത്വത്തിൽ കുട്ടികൾക്കുള്ള ജേഴ്സി വിതരണം നടത്തി. എസ്.എസ്.കെ ജില്ലാ പ്രോഗ്രാം ഓഫീസർ എസ് .മനു, ആലപ്പുഴ ബി.പി.സി സന്ദീപ് ഉണ്ണികൃഷ്ണൻ എന്നിവർ സംസാരിച്ചു.