ചാരുംമൂട്: ഇടപ്പോൺ നന്മ ചാരിറ്റബിൾ ഫൗണ്ടേഷൻ ശാന്തിതീരം അഭയ കേന്ദ്രത്തിന്റെ ആഭിമുഖ്യത്തിൽ ആദരിക്കൽ - ചികിത്സാ സഹായ വിതരണം - ഗുരു നിത്യ ചൈതന്യയതി ജന്മദിനാഘോഷം പരിപാടികൾ വേഗതയേറിയ ചിത്രകാരൻ ഡോ.ജിതേഷ്ജി ഉദ്ഘാടനം ചെയ്തു. ചടങ്ങിൽ ഗുരു നിത്യചൈതന്യ യതിയുടെ 100-ാം ജന്മ വാർഷികദിനാഘോഷം ജില്ലാ തല ഉദ്ഘാടനവും അദ്ദേഹം നിർവ്വഹിച്ചു. ഫൗണ്ടേഷൻ കോ - ഓർഡിനേറ്റർ ആര്യ ബി.കടമ്പാട്ട് അദ്ധ്യക്ഷത വഹിച്ചു. ഉപദേശക സമിതിയംഗം റോയി അകമുറ്റത്ത് ആമുഖ പ്രഭാഷണം നടത്തി. ചികിത്സാ സഹായ വിതരണം കോമഡി ആർട്ടിസ്റ്റ് മായ കൃഷ്ണൻ നിർവ്വഹിച്ചു. ഗ്രാമപഞ്ചായത്ത് പ്രസിഡന്റ് സ്വപ്ന സുരേഷ്, ജില്ലാ സാമൂഹിക നീതി ഓഫീസർ എ.ഒ.അബിൻ എന്നിവർ ഉന്നത വിജയം നേടിയ വിദ്യാർത്ഥികളെ ആദരിച്ചു. നന്മ ചാരിറ്റി ഡയറക്ടർ വി.പി.ബീജ, മാലൂർ മസൂദ് ഖാൻ, മനുഫിലിപ്പ്, പ്രൊഫ.വി.ആർ. സുരേഷ്,അജിക്കുട്ടൻ, മധു പോൾ, സുനിൽ അടൂർ, എം.എ.വിൻസെന്റ്, പ്രിൻസ്, കാർത്തികേയൻപിള്ള, റെജി മാത്യു, എസ്.അനുജ, എൻ.ഷൈനി, ദിലീപ്, എസ്.റ്റി. അപ്പുക്കുട്ടൻ, കെ.സുരേഷ്കുമാർ, കെ.എൻ.ഷാജിമോൻ എന്നിവർ പങ്കെടുത്തു.