ഹരിപ്പാട്: ആർ.ശങ്കറിന്റെ 52-ാംമത് ചരമ വാർഷിദിനാചരണത്തോടനുബന്ധിച്ച് എസ്.എൻ.ഡി.പി യോഗം കാർത്തികപ്പള്ളി യൂണിയന്റെ ആഭിമുഖ്യത്തിൽ ആർ.ശങ്കർ അനുസ്മരണം നടത്തും. നാളെ ഉച്ചയ്ക്ക് 2.30ന് യൂണിയൻ ഓഡിറ്റോറിയത്തിൽ നടക്കുന്ന സമ്മേളനം യൂണിയൻ പ്രസിഡന്റ് കെ.അശോകപ്പണിക്കർ ഉദ്ഘാടനം ചെയ്യും. യൂണിയൻ വൈസ് പ്രസിഡന്റ് എം.സോമൻ അദ്ധ്യക്ഷനാകും. യൂണിയൻ സെക്രട്ടറി അ‌ഡ്വ.ആർ.രാജേഷ് ചന്ദ്രൻ സ്വാഗതവും യോഗം ഇൻസ്പെക്ടിംഗ് ഓഫീസർ സി.സുഭാഷ് നന്ദിയും പറയും. യോഗം ഡയറക്ടർ പ്രൊഫ.സി.എം ലോഹിതൻ, യൂണിയൻ കൗൺസിലർമാരായ പൂപ്പള്ളി മുരളി, പി.ശ്രീധരൻ, ടി.മുരളി, പി.എസ് അശോക് കുമാർ, ഡി.ഷിബു, ദിനു വാലപറമ്പിൽ, കെ.സുധീർ, യൂണിയൻ പഞ്ചായത്ത് കമ്മിറ്റി അംഗങ്ങളായ വി.മുരളീധരൻ, ഡി.സജി, ഡോ.വി.അനുജൻ, വനിതാസംഘം യൂണിയൻ പ്രസിഡന്റ് സുരബാല, സെക്രട്ടറി ആർ.ബിന്ദു, എംപ്ളോയിസ് ഫോറം യൂണിയൻ പ്രസിഡന്റ് ബി.ആനന്ദരാജ് എന്നിവർ സംസാരിക്കും. വിവിധ മേഖലകളിൽ പ്രശസ്തരായ വ്യക്തികളെ ചടങ്ങിൽ ആദരിക്കും.