ചെറുകോൽ: ആത്മബോധോദയസംഘത്തിന്റെ പ്രധാന കേന്ദ്രമായ ചെറുകോൽ ശ്രീശുഭാനന്ദാശ്രമത്തിൽ മാത്രം മൂന്നു മാസം കൂടുമ്പോൾ നടത്തപ്പെടുന്ന താരാസ്തുതി മഹായജ്ഞം ആശ്രമാധിപതി ദേവാനന്ദ ഗുരുദേവന്റെ അനുഗ്രഹപ്രഭാഷണത്തോടുകൂടി ആരംഭിച്ചു. ഗുരുപൂജ, ഗുരുദക്ഷിണ, പ്രാർത്ഥന, ആശ്രമപ്രദക്ഷിണം, എതിരേല്പ്, എഴുന്നള്ളത്ത് എന്നിവ നടന്നു. 21 ദിവസത്തെ പരിശുദ്ധ വ്രതത്തോടുകൂടി കേരളത്തിനകത്തും പുറത്തു നിന്നുമായി അനേകം ഭക്തജനങ്ങൾ താരാസ്തുതി മഹായജ്ഞത്തിൽ പങ്കെടുക്കും. സർവ്വദോഷശാന്തിക്കും ഈശ്വരാനുഗ്രഹത്തിനുമായി നടത്തപ്പെടുന്ന സ്തുതി ദിനങ്ങളിൽ ദേവാനന്ദ ഗുരുദേവൻ എഴുന്നള്ളത്തും അനുഗ്രഹപ്രഭാഷണവും മൂന്നു യാമങ്ങളായി ഭക്തജനങ്ങൾ രാപ്പകൽ നാമസങ്കീർത്തനാലാപവും പ്രാർത്ഥനയും നടത്തും. എതിരേല്പ്, ആശ്രമപ്രദക്ഷിണം, ദീപക്കാഴ്ച, ശംഖനാദം, മണിനാദം, ഓങ്കാരധ്വനി തുടങ്ങിയ ചടങ്ങുകളോടെ സ്തുതി 10 ന് സമാപിക്കും.