കായംകുളം: ശ്രീനാരായണ സാംസ്കാരിക സമിതിയുടെ ആഭിമുഖ്യത്തിൽ കായംകുളം എസ്.എൻ സെൻട്രൽ സ്‌കൂളിൽ ആർ.ശങ്കർ അനുസ്മരണം നടന്നു. അനുസ്‌മരണ സമ്മേളനം വി.എം.സുധീരൻ ഉദ്ഘാടനം ചെയ്തു. സമിതി പ്രസിഡന്റ് ഡോ.പി.പത്മകുമാർ അദ്ധ്യക്ഷത വഹിച്ചു.
സമിതി സ്കൂളിലെ എല്ലാ ക്ലാസുകളിലും ഏറ്റവും കൂടുതൽ മാർക്ക് വാങ്ങി വിജയിച്ച വിദ്യാർത്ഥികൾക്കുള്ള അവാർഡ് ദാനം ബി.ജെ.പി നിർവ്വാഹക സമിതി അംഗം ശ്രീനഗരി രാജനും,സ്കോളർഷിപ്പ് വിതരണം സംസ്കാരിക സമിതി ദേശീയ സെക്രട്ടറി ബി.ശശിധരനും, പുരസ്കാര വിതരണം കായലിൽ രാജപ്പനും നിർവ്വഹിച്ചു.
യു. പ്രതിഭ എം.എൽ.എ മുഖ്യ പ്രഭാഷണം നടത്തി. സാംസ്കാരിക സമിതി സെക്രട്ടറി പള്ളിയമ്പിൽ ശ്രീകുമാർ, വൈസ് പ്രസിഡന്റ് വി.ശശിധരൻ, എം.രവീന്ദ്രൻ,പ്രൊഫ. ടി.എം.സുകുമാരബാബു,എസ്.എൻ സെൻട്രൽ സ്കൂൾ പ്രിൻസിപ്പൽ ഡോ.എസ്.ബി ശ്രീജയ,എസ് .എൻ വിദ്യാപീഠം പ്രിൻസിപ്പൽ പി.ആർ.വിശ്വംഭരൻ,എസ് .എൻ ഇന്റർനാഷണൽ മോഡൽ സ്കൂൾ പ്രിൻസിപ്പൽ ഡോ.ടി.എസ്.വിജയശ്രീ,സിവിൽ സർവീസ് ട്രെയിനിംഗ് അക്കാദമി ഡയറക്ടർ ഡേവിഡ് മാത്യു എന്നിവർ പങ്കെടുത്തു.