കായംകുളം : എരുവ നളന്ദ കലാസാംസ്ക്കാരിക വേദിയുടെ 33-ാംമത് വാർഷിക ആഘോഷങ്ങളുടെ ഭാഗമായി നാലാമത് സംസ്ഥാന പ്രൊഫഷണൽ നാടകോത്സവം 12 മുതൽ 17 വരെ എരുവയിൽ നടക്കും.12 ന് വൈകിട്ട് 5 ന് നാടകോത്സവ ഉദ്ഘാടനം സി.ആർ.മഹേഷ് എം.എൽ.എ നിർവ്വഹിക്കും. ഗ്രന്ഥശാല പ്രസിഡന്റ് ജി.സദാശിവൻ അദ്ധ്യക്ഷനാകും. നളന്ദ സെക്രട്ടറി പ്രദീപ് അച്ചൂസ് സ്വാഗതം പറയും .അഞ്ചാമത് നളന്ദ പുരസ്കാരം ചലച്ചിത്ര ടെലിവിഷൻ താരം സേതുലക്ഷ്മിക്ക് നൽകും. ചലച്ചിത്ര താരം സാജൻ പള്ളുരുത്തി മുഖ്യാതിഥി ആകും. പത്തിയൂർ ഗ്രാമ പഞ്ചായത്ത് പ്രസിഡന്റ് എൽ.ഉഷ, സി.എൻ.എൻ നമ്പി എന്നിവർ സംസാരിക്കും. തുടർന്ന് രാത്രി 7.30 ന് പാലാ കമ്മ്യൂണിക്കേഷൻസ് അവതരിപ്പിക്കുന്ന നാടകം ലൈഫ് ഈസ് ബ്യൂട്ടിഫുൾ. 13 ന് വൈകിട്ട് 5.30 ന് സെമിനാർ , 7.30 ന് രംഗഭാഷയുടെ നാടകം മിട്ടായിത്തെരുവ് .14 ന് വൈകിട്ട് 5ന് സെമിനാർ ,7.30 ന് കൊച്ചിൻ ചൈത്രധാരയുടെ നാടകം സ്നേഹമുള്ള യക്ഷി. 15 ന് വൈകിട്ട് 5 ന് സെമിനാർ, 7.30 ന് ചങ്ങനാശ്ശേരി അണിയറയുടെ നാടകം ഡ്രാക്കുള. 16ന് രാവിലെ 10 ന് കുട്ടികളുടേയും മുതിർന്നവരുടേയും കലാ കായിക മത്സരങ്ങൾ,വൈകിട്ട് 5 ന് ,രാത്രി 7.30 ന് കോഴിക്കോട് സങ്കീർത്തനയുടെ നാടകം വെളിച്ചം. 17 ന് കലാമത്സരങ്ങൾ, വൈകിട്ട് 5 ന് സമാപന സമ്മേളനം യു.പ്രതിഭ എം.എൽ.എ ഉദ്ഘാടനം ചെയ്യും.കായംകുളം ഡിവൈ.എസ്.പി ബാബുകുട്ടൻ മുഖ്യാതിഥിയാകും . 6.30ന് കലാസന്ധ്യ, രാത്രി 7.30 ന് ചിറയൻകീഴ് അനുഗ്രഹ അവതരിപ്പിക്കുന്ന നാടകം ചിത്തിര . വാർത്താസമ്മേളനത്തൽ ഭാരവാഹികളായ ജി.സദാശിവൻ, ജി.ആദർശ് , പ്രദിപ് അച്ചൂസ് , പ്രഭാഷ് പാലാഴി , ശശികുമാരൻപിള്ള എന്നിവർ പങ്കെടുത്തു.