മാന്നാർ: കച്ചവടം ചെയ്യുന്ന കടമുറികളുടെ വാടകയ്ക്കും ജി.എസ്.ടി ഏർപ്പെടുത്തി വ്യാപാരികളെ ദ്രോഹിക്കുന്ന സർക്കാർ ഉത്തരവ് പിൻവലിക്കണമെന്ന് കേരള വ്യാപാരി വ്യവസായി സമിതി തിരുവല്ല ഏരിയാ കൺവെൻഷൻ ആവശ്യപ്പെട്ടു. തിരുവല്ല വൈ.എം.സി.എയിൽ നടന്ന കൺവെൻഷൻ സമിതി ജില്ലാ പ്രസിഡന്റ് ബിജു വർക്കി ഉദ്‌ഘാടനം ചെയ്തു. ഏരിയാ പ്രസിഡന്റ് എ.പി.പ്രസാദ് അദ്ധ്യക്ഷനായിരുന്നു. ജില്ലാ സെക്രട്ടറി റോഷൻ ജേക്കബ്, വൈസ് പ്രസിഡന്റുമാരായ ക്ലാരമ്മ കൊച്ചീപ്പൻ മാപ്ല, അബ്ദുൾ സലാം, ജില്ലാ കമ്മിറ്റയംഗങ്ങളായ ഷിഹാബുദീൻ, സി.റ്റി.ഷിബു, സുജ ജയകുമാർ, സുപർണ എന്നിവർ സംസാരിച്ചു. ഭാരവാഹികളായി എ.കെ.ഷാനവാസ്(പ്രസിഡന്റ്), രാധാമണി മോഹൻ, അർച്ചനാ ഇളമൺ, കെ.എസ്.മധു, ഏബ്രഹാം വർഗീസ്(വൈസ് പ്രസിഡന്റുമാർ), ഡൊമിനിക് ജോസഫ്(സെക്രട്ടറി), കെ.പ്രദീപ്, രഞ്ജി ജോസഫ്, ഇ.പി.വിജയ്‌, ബിനോജ്(ജോ.സെക്രട്ടറിമാർ), പി.ആർ. വിശ്വനാഥൻ(ട്രഷറർ), ബിനുകുര്യൻ, പി.സി.ജയകുമാർ(എക്സി.അംഗങ്ങൾ) എന്നിവരെ തിരഞ്ഞെടുത്തു.