അമ്പലപ്പുഴ: വ്യാസമഹാസഭയുടെ പുതിയ സംസ്ഥാന കാര്യാലയം പ്രവർത്തനം ആരംഭിച്ചു. എടവനക്കാട് സിദ്ധവൈദ്യാശ്രമം സ്വാമി ഗോരഖ് നാഥ് ഉദ്ഘാടനം ചെയ്തു. വ്യാസ പ്രതിഷ്ഠയും അദ്ദേഹം നിർവ്വഹിച്ചു. വ്യാസമഹാസഭ സംസ്ഥാന പ്രസിഡൻ്റ് കെ.ഡി. രാമക്യഷ്ണൻ അദ്ധ്യക്ഷനായി. ചങ്ങനാശ്ശേരി മാതാ അമൃതാനന്ദമയീ മഠം മഠാധിപതി സ്വാമിനി നിഷ്ഠാമൃത പ്രാണ അമ്മമാർക്ക് ദക്ഷിണ നൽകി മാതൃവന്ദനം നടത്തി. റിട്ട. ജില്ലാ ജഡ്ജി എസ്. സോമൻ മുഖ്യപ്രഭാഷണം നടത്തി. സംസ്ഥാന ജനറൽ സെക്രട്ടറി സജീവൻ ശാന്തി,വർക്കിങ്ങ് പ്രസിഡന്റ് വിജയൻ നളന്ദ, ഖജാൻജി കെ. കനകേശ്വരൻ, ഉപദേശക സമിതി അദ്ധ്യക്ഷൻ വി.സി.റാം മോഹൻ,വൈസ് പ്രസിഡന്റ് ബി. പുഷ്പരാജൻ,ജില്ലാ പ്രസിഡന്റ് സി.വി. പീതാംബരൻ തുടങ്ങി​​യവർ സംസാരി​ച്ചു.