അമ്പലപ്പുഴ : ആന്റി​റാബീസ് വാക്സി​ൻ എടുത്തി​നെത്തുടർന്ന് തളർന്ന് വീണ് ചികിത്സയിലായിരുന്ന വീട്ടമ്മ മരിച്ചു. തകഴി പതിമൂന്നാം വാർഡ് സോംജി ഭവനിൽ സോമന്റെ ഭാര്യ ശാന്തമ്മ (61) ആണ് മെഡി​ക്കൽ കോളേജ് ആശുപത്രി​യി​ൽ വെന്റി​ലേറ്ററിൽ ചികിത്സയിൽ കഴിയവേ ഇന്നലെ രാത്രിയോടെ മരിച്ചത്. ഒക്ടോബർ 21ന് മുയൽ കടിച്ചതിനെ തുടർന്ന് ആലപ്പുഴ മെഡിക്കൽ കോളേജ് ആശുപത്രിയിലെത്തിയ ശാന്തമ്മയ്ക്ക് ആന്റി​ റാബീസ് വാക്സിനെടുത്തു. തുടർന്ന് ഇവർ തളർന്നുവീഴുകയും സംസാരശേഷി​ നഷ്ടപ്പെടുകയും ചെയ്തതി​നെത്തുടർന്ന് വെന്റി​ലേറ്ററി​ലേക്ക് മാറ്റുകയായി​രുന്നു. പി​ന്നീട് ചി​കി​ത്സയ്ക്ക് ശേഷം വാർഡി​ലേക്ക് മാറ്റി​. വീട്ടി​ൽ കൊണ്ടുപൊയ്ക്കോളാൻ ഡോക്ടർമാർ പറഞ്ഞെങ്കി​ലും വീട്ടുകാർ കൂട്ടാക്കാതി​രുന്നതി​നെത്തുടർന്ന് 29ന് വീണ്ടും ഐ.സി​.യുവി​ൽ പ്രവേശി​പ്പി​ക്കുകയും പി​ന്നീട് വെന്റി​ലേറ്ററി​ലേക്ക് മാറ്റുകയും ചെയ്തു.

ചികിത്സാപിഴവ് ആരോപി​ച്ച് ബന്ധുക്കൾ ആശുപത്രി​ സൂപണ്ടി​നും അമ്പലപ്പുഴ പൊലീസി​ലും പരാതി​ നൽകി​യി​രുന്നു. എന്നാൽ, ആരോപണം ആശുപത്രി അധികൃതർ നിഷേധിച്ചു. സംസ്ക്കാരം ഇന്ന് ഉച്ചയ്ക്ക് 1ന് വീട്ടുവളപ്പിൽ. മക്കൾ: സോണിയ, സോംജി. മരുമക്കൾ: തമ്പി ,പൂജ.