ഹരിപ്പാട് : ആറാട്ടുപുഴ പഞ്ചായത്തിലെ കടൽഭിത്തി നിർമ്മാണം അടിയന്തരമായി പൂർത്തിയാക്കണമെന്ന് സി.പി.എം കാർത്തികപ്പള്ളി ഏരിയ സമ്മേളനം ആവശ്യപ്പെട്ടു. സമ്മേളനത്തിന്റെ രണ്ടാം ദിവസമായ ഇന്നലെ പൊതുചർച്ചയ്ക്ക് സി.പി.എം ഏരിയ സെക്രട്ടറി വി.കെ. സഹദേവനും ജില്ലാ സെക്രട്ടറി ആർ.നാസറും മറുപടി പറഞ്ഞു. സി.പി.എം സംസ്ഥാന കമ്മിറ്റി അംഗം സി.ബി. ചന്ദ്രബാബു, ജില്ലാ സെക്രട്ടറിയേറ്റ് അംഗങ്ങളായ എം. സത്യപാലൻ, അഡ്വ. കെ. എച്ച്.ബാബുജാൻ, എച്ച്. സലാം , ജില്ലാ കമ്മിറ്റി അംഗങ്ങളായ എൻ.സജീവൻ, എം. സുരേന്ദ്രൻ, ടി.കെ. ദേവകുമാർ എന്നിവർ പങ്കെടുത്തു. 21 അംഗ ഏരിയ കമ്മിറ്റിയെയും 17 ജില്ലാ സമ്മേളന പ്രതിനിധികളെയും തിരഞ്ഞെടുത്തു. സ്വാഗതസംഘം ട്രഷറർ എ. എം. നൗഷാദ് നന്ദി പറഞ്ഞു. ഇന്ന് ഉച്ചയ്ക്ക് 2ന് ചിങ്ങോലി എൻ.ടി.പി.സി ജംഗ്ഷനിൽ നിന്ന് റെഡ് വോളന്റിയർ മാർച്ചും പ്രകടനവും ആരംഭിക്കും. നാലു മണിക്ക് കാർത്തികപ്പള്ളി ജംഗ്ഷനിലെ സീതാറാം യെച്ചൂരി നഗറിൽ നടക്കുന്ന പൊതുസമ്മേളനം സി.പി.എം കേന്ദ്ര കമ്മിറ്റിയംഗം ഡോ. തോമസ് ഐസക്ക് ഉദ്ഘാടനം ചെയ്യും.

കെ.വിജയകുമാർ സെക്രട്ടറി

സി.പി.എം കാർത്തികപ്പള്ളി ഏരിയ സെക്രട്ടറിയായി കെ.വിജയകുമാറിനെ തിരഞ്ഞെടുത്തു. മുതുകുളം ബ്ലോക്ക് പഞ്ചായത്ത് മുൻപ്രസിഡന്റും കർഷകസംഘം സംസ്ഥാന കമ്മിറ്റിയംഗവുമാണ്. ഏരിയ കമ്മിറ്റിയംഗങ്ങൾ : വി.കെ.സഹദേവൻ, അഡ്വ. ടി.എസ്.താഹ, ആർ.ഗോപി, അഡ്വ. ബി. രാജേന്ദ്രൻ, ആർ. വിജയകുമാർ, കെ.എൻ. തമ്പി, എം.ആനന്ദൻ, ടി. സുരേന്ദ്രൻ, ബി. കൃഷ്ണകുമാർ, എം.കെ. വേണുകുമാർ, എൻ. ദേവാനുജൻ, പി.കെ. ഗോപിനാഥൻ, കെ.എസ്. ഷാനി, ജി.ബിജുകുമാർ, പി. എ.അഖിൽ, എം. ശിവപ്രസാദ്, ടി.ആർ. വത്സല, ജോൺ ചാക്കോ, കെ.ശ്രീകുമാർ, കെ.രഘു.