മാന്നാർ: സി.പി.എം മാന്നാർ ഏരിയാ സമ്മേളനം23,24 തീയതികളിൽ പുലിയൂരിൽ നടക്കും. നാളെ പകൽ 10ന് കോടിയേരി ബാലകൃഷ്ണൻ നഗറിൽ (കുളിയ്ക്കാംപാലം പുലിയൂർ മാർത്തോമാ കമ്യൂണിറ്റി ഹാൾ) ജില്ലാ സെക്രട്ടറി ആർ.നാസർ ഉദ്ഘാടനം ചെയ്യും. പുഷ്പാർച്ചനയ്ക്കും പതാക ഉയർത്തലിനും ശേഷം വിവിധ സബ് കമ്മിറ്റികളെ തിരഞ്ഞെടുക്കും. ഏരിയ ആക്റ്റിംഗ് സെക്രട്ടറി പുഷ്പലത മധു പ്രവർത്തന റിപ്പോർട്ട് അവതരിപ്പിക്കും. കേന്ദ്ര കമ്മിറ്റിയംഗം സി.എസ്.സുജാത, ജില്ലാ സെക്രട്ടറിയറ്റംഗങ്ങളായ എ.മഹേന്ദ്രൻ, കെ.രാഘവൻ, ജി.രാജമ്മ, എം.സത്യപാലൻ, ജില്ലാ കമ്മിറ്റിയംഗം ആർ.രാജേഷ്, ഏരിയ സെക്രട്ടറി പ്രൊഫ.പി.ഡി ശശിധരൻ എന്നിവർ പങ്കെടുക്കും. പുതിയ ഏരിയ കമ്മിറ്റിയെയും സെക്രട്ടറിയെയും ജില്ലാ സമ്മേളന പ്രതിനിധികളെയും 24 ന് തിരഞ്ഞെടുക്കും. വൈകിട്ട് നാലിന് പൊറ്റമേൽ കടവിൽ നിന്ന് ആരംഭിക്കുന്ന റാലിക്കും ചുവപ്പുസേന മാർച്ചിനും ശേഷം സീതാറാം യെച്ചൂരി നഗറിൽ (പുലിയൂർ പഞ്ചായത്ത് സ്റ്റേഡിയം) പൊതുസമ്മേളനം സംസ്ഥാന സെക്രട്ടറിയറ്റംഗം സജി ചെറിയാൻ ഉദ്ഘാടനംചെയ്യും.